U minskaj himnazii №74 staršakłaśnik z nažom napaŭ na nastaŭnicu, patrabavaŭ prabačeńniaŭ, pierarezaŭ horła
Šakujučy incydent zdaryŭsia 23 maja ŭ minskaj himnazii №74. Staršakłaśnik z nažom napaŭ na nastaŭnicu ruskaj movy Valancinu Uładzimiraŭnu.
Adna z vučanic starejšaha kłasa himnazii raskazvała: «Nastaŭniki kažuć, što ich było čaćviora. Troje trymali, a adzin stajaŭ z nažom u ruce. Patrabavali, kab jana «prasiła prabačeńnia za ździeki ź dziaciej», i jana prasiła…».
Zaŭvažym, Śledčy kamitet havoryć tolki pra adnaho padazravanaha.
Zvanok ab skančeńni ŭroka tak i nie dali, absalutna ŭsich vučniaŭ nie vypuskali z kłasaŭ. Piedahoha zabrali na «chutkaj», padazravanaha advieźli ŭ milicyju. Raspačata kryminalnaja sprava za zamach na zabojstva.
Mierkavańni vučniaŭ pra traŭmavanuju nastaŭnicu vielmi roźniacca. Vypuskniki minułaha hoda, u jakich piedahoh była kłasnym kiraŭnikom, nazyvajuć jaje patrabavalnaj, ale vielmi kvalifikavanaj. Niekatoryja nazyvajuć jaje strohaj.
Nastaŭnica ruskaj movy znachodzicca ŭ balnicy. Prahnozaŭ ab jaje stanie zdaroŭja miedyki nie dajuć.
«Paciarpiełaj naniesiena niekalki ranieńniaŭ, u tym liku ŭ šyju — žyćciova važny orhan. Tamu miedyki ličać nieabchodnym padtrymlivać jaje na śpiecyjalnych pryładach», — udakładniaje Jeŭraradyjo Alaksandr Hierasimaŭ, aficyjny pradstaŭnik upraŭleńnia Śledčaha kamiteta pa Minsku.
Paciarpiełaja — nastaŭnica vyšejšaj katehoryi, piedahahičny staž — 25 hadoŭ, viadzie płatny hurtok «Padrychtoŭka da CT pa ruskaj movie» i fakultatyŭ «Praktyčnaja stylistyka ruskaj movy».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak5
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary