Rasijski vice-premjer Dźmitryj Rahozin zajaviŭ, što Rasija adstaje ad ZŠA ŭ kaśmičnaj halinie ŭ dzieviać razoŭ, paviedamlaje RBK.
Vystupajučy na kalehii Ministerstva pramysłovaści i handlu, Dźmitryj Rahozin, jaki kuryruje kosmas i VPK, krytyčna acaniŭ stanovišča spraŭ u kaśmičnaj haliny.
«Navat kali pavysić pradukcyjnaść u paŭtara raza, usio roŭna ich nie dahonim nikoli», — adznačyŭ jon.
«My siońnia ŭ kaśmičnaj halinie adstajom ad amierykancaŭ u dzieviać razoŭ. A ŭsie našy ambicyjnyja prajekty śviedčać ab tym, što my pavinny pavysić hetuju pradukcyjnaść u paŭtara raza. Nu pavysim u paŭtara raza, ale ŭsio roŭna ich nie dahonim nikoli», — skazaŭ rasijski vice-premjer.
Jon adznačyŭ, što Rasija tak i budzie potym hladzieć za navinami NASA abo Iłana Maska i ablizvacca, tłumačačy sabie, čamu rasijanam heta nie treba — toje, što jany robiać.
Kab vypravić situacyju, na dumku Rahozina, treba maksimalna ablehčyć pracedury pryniaćcia rašeńniaŭ, skaracić dakumientazvarot, a taksama damahčysia taho, kab pravierki išli praz adno akno.
U kancy minułaha hoda Rahozin zajaŭlaŭ pra nieabchodnaść zrabić tańniejšym zapuski kaśmičnych aparataŭ, patłumačyŭšy heta tym, što «kankurenty nastupajuć na piatki». U jakaści prykładu vice-premjer pryvioŭ Iłana Maska.
Pra imknieńnie «kankuravać» z prajektami Maska raniej zajaŭlaŭ kiraŭnik Raskosmasa Ihar Kamaroŭ. Pavodle jaho słoŭ, «Rasija pryjdzie da stvareńnia šmatrazovych rakiet-nośbitaŭ», ale pry hetym nie zmoh skazać, kali heta adbudziecca.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary