Ułada33

Zaćvierdžany skład rady Biełaruskaha nacyjanalnaha kanhresu

Pieršaje pasiadžeńnie rady Biełaruskaha nacyjanalnaha kanhresu prajšło 28 maja ŭ Minsku. Jaho ŭdzielniki zaćvierdzili skład rady i rehłamient jaho dziejnaści.

Rada kanhresu farmirujecca ź liku pradstaŭnikoŭ demakratyčnych partyj i arhanizacyj (pa adnym čałavieku) i pradstaŭnikoŭ rehijanalnych kaalicyj demakratyčnych struktur (pa try čałavieki ad kožnaj vobłaści i Minska).

Na dadzieny momant u skład rady ŭvachodziać 15 čałaviek: ad Biełaruskaj sacyjał-demakratyčnaj Hramady Stanisłaŭ Šuškievič, arhkamiteta pa stvareńni Biełaruskaj sacyjał-demakratyčnaj partyi (Narodnaja Hramada) Mikałaj Statkievič, niezaležnaha prafsajuza REP Hienadź Fiadynič, kampanii «Jeŭrapiejskaja Biełaruś» Maksim Viniarski, zarehistravanaha ŭ Čechii abjadnańnia «Małady front» Źmicier Daškievič, ruchu salidarnaści «Razam» Aleś Makajeŭ, arhkamiteta partyi «Biełaruski ruch» Vacłaŭ Areška, ruchu «Za dziaržaŭnaść i niezaležnaść» Uładzimir Niaklajeŭ, a taksama siem pradstaŭnikoŭ rehijanalnych demakratyčnych kaalicyj.

Statkievič paviedamiŭ, što skład savieta budzie pašyracca. «Buduć praciahvacca pieramovy z roznymi apazicyjnymi strukturami. Ale tut paŭstaje pytańnie, kaho my možam zaprašać da pracy ŭ saviecie, bo jość arhanizacyi, jakija vystupajuć za jeŭrazijski viektar raźvićcia, što supiarečyć płatformie kanhresa», — skazaŭ jon.

U vyniku vyrašana, što ŭ skład savieta kanhresa mohuć uvajści arhanizacyi, jakija padpisali miemarandum «Ab mierach pa zabieśpiačeńni niezaležnaści Biełarusi» (pryniaty padčas narady biełaruskich hramadskich i palityčnych arhanizacyj sa staršynioj Rady BNR Ivonkaj Surviłaj 3 listapada 2012 hoda ŭ Vilni) abo Dekłaracyju u padtrymku niezaležnaści Respubliki Biełaruś (padpisanaja napiaredadni ŭstanoŭčaha schodu Biełaruskaha nacyjanalnaha kanhresa, jaki adbyŭsia ŭ Minsku 15 maja).

Rehłamient dziejnaści savieta praduhledžvaje roŭnaść usich jaho subjektaŭ. Rašeńni savieta kanhresa buduć prymacca dźviuma tracinami hałasoŭ, pasiadžeńni buduć prachodzić raz u miesiac.

***

Praviadzieńnie kanhresu demsił z metaj kansalidacyi apazicyi inicyiravała ŭ śniežni minułaha hoda hrupa hramadskich dziejačaŭ Biełarusi, a nieŭzabavie viadomyja palityki Mikoła Statkievič, Uładzimir Niaklajeŭ i Stanisłaŭ Šuškievič abviaścili pra stvareńnie arhkamiteta pa padrychtoŭcy demakratyčnaha forumu. U skład arhkamiteta taksama ŭvajšli Źmicier Daškievič, Viačasłaŭ Siŭčyk, Andrej Sańnikaŭ, Hienadź Fiadynič i Michaił Pastuchoŭ.

Ustanoŭčy schod Biełaruskaha nacyjanalnaha kanhresa prajšoŭ ŭ skviery imia Janki Kupały ŭ Minsku 15 maja. Rašeńnie pravieści kanhres na adkrytym pavietry było pryniataje paśla taho, jak arhkamitet nie zmoh arandavać nieabchodnaje pamiaškańnie. Pavodle słoŭ arhanizataraŭ, i dziaržaŭnyja, i pryvatnyja arhanizacyi admovili im u arendzie, bajučysia niehatyŭnaj reakcyi z boku ŭład, a Minharvykankam admoviŭsia sadziejničać pošuku pamiaškańnia.

Udzielniki kanhresu pryniali niekalki rezalucyj — «Biełaruś: stan dziaržavy i nacyi», «Biełaruski nacyjanalny kanhres: płatforma pieramien», «Ab pazicyi kanhresu adnosna vybarčaj kampanii 2016 hoda», «Ab adzinstvie demakratyčnych sił».

Kamientary3

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?

Usie naviny →
Usie naviny

Chto b jašče z pakaznoj radaściu pahadziŭsia z prynižalnym vypraŭleńniem? Tolki Łukašenka15

«Znajści numar u hateli možna i za 8 rubloŭ». Biełarus adpraviŭsia ŭ supierekanomnaje padarožža pa krainie2

U Barsiełonie baćki pakinuli 10-hadovaje dzicia ŭ aeraporcie, kab nie prapali kvitki i adpačynak15

Tramp zajaviŭ pra hatoŭnaść ZŠA da jadziernaha kanfliktu z Rasijaj10

Śviatłana Cichanoŭskaja raskazała pra chvarobu syna i jaho cikavaść da hieapalityki13

Ukrainski sałdat uratavaŭsia z akružeńnia na elektrarovary, jaki jamu skinuli z drona1

Z kastryčnika pačnuć dziejničać novyja praviły ŭjezdu ŭ ES. Što źmienicca dla biełarusaŭ

«Na plačach maječka Mark Formelle». Hurt Leibonik vypuściŭ novy albom6

Žurnalist Ihar Karniej pra toje, jak atrymaŭ u spadčynu represavanyja hieny1

bolš čytanych navin
bolš łajkanych navin

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3

Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?

Hałoŭnaje
Usie naviny →

Zaŭvaha:

 

 

 

 

Zakryć Paviedamić