Tolki što skončyŭsia finalny boj za zvańnie čempijona śvietu pa muaj-taj u katehoryi da 75 kiłahram.
Vital Hurkoŭ pieramoh Ekapana Sambaansaba z Tajłanda, jaki nie sastupaŭ u bajach užo 4 hady zapar.
Vinšujem našaha «Narodnaha čempijona»!
Hetaja pieramoha admietnaja jašče i tym, što niekatory čas pajezdka Hurkova ŭ Šviecyju była pad pytańniem — u zbornaj nibyta nie mahli znajści hrošy.
U adkaz na heta hramadskaść za adzin dzień sabrała nieabchodnuju sumu ŭ niekalki tysiač jeŭra, a za Hurkovym zamacavałasia mianuška «Narodny čempijon»
Voś karotkaje videa, źniataje adrazu paśla boju — Hurkoŭ jašče nie razmataŭ binty i pieradaje pryvitańnie svajmu trenieru Źmicieru Piasieckamu.
A voś jak «Narodny čempijon» źjaviŭsia na ŭznaharodžvańnie.
«Pahonia pobač! Budziem žyć», — vitajuć bajca ŭ fejsbuku.
Hety čempijanat skłaŭsia dla biełarusaŭ nadzvyčaj udała — u ahulnym miedalnym zaliku my druhija z 5 załatymi, adnoj srebranaj i čatyrma bronzavymi miedalami.
Čempijonami śvietu stali Vital Hurkoŭ, Anatol Vanakaŭ, Źmicier Valent i Andrej Hierasimčuk.
Dzianisa Hančaronka šviedski miedyk nie dapuściŭ da finału praz pavyšany cisk.
Siarod dziaŭčat zołata maje Alena Laškievič.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary