Alaksandr Łukašenka 30—31 maja naviedaje z rabočym vizitam Kazachstan. Łukašenka voźmie ŭdzieł u pasiadžeńni Vyšejšaha jeŭrazijskaha ekanamičnaha savieta. Pieramovy projduć u vuzkim i pašyranym składach.
Na paradku dnia «pytańni pahłybleńnia ekanamičnych adnosin JEAES z trecimi krainami i klučavymi intehracyjnymi abjadnańniami».
«U liku važnych dla Biełarusi pytańniaŭ kancepcyi farmiravańnia ŭ JEAES ahulnych rynkaŭ hazu, nafty i naftapraduktaŭ», — adznačajecca ŭ paviedamleńni.
Taksama buduć abmiarkoŭvacca asnoŭnyja aryjenciry makraekanamičnaj palityki dziaržaŭ — členaŭ JEAES na 2016—2017 hady, realizacyja asnoŭnych kirunkaŭ mižnarodnaj dziejnaści sajuza.
Akramia taho, zapłanavana sustreča Łukašenki z prezidentam Kazachstana Nursułtanam Nazarbajevym. Kiraŭniki dziaržaŭ abmiarkujuć «aktualnyja pytańni dvuchbakovych adnosin, uzajemadziejańnie ŭ intehracyjnych abjadnańniach».
Kamientary