«Mova Nanova» źniała pravakacyjny rolik z Vinsent'am i pryhožymi dziaŭčatami
U žartaŭlivym videa na aŭtamyjni sustrakajucca brutalny ruskamoŭny baradač i hłamurny biełaruskamoŭny repier. Ź ich šancuje tolki adnamu…
U roliku źniaŭsia viadomy repier Vinsent, jaki syhraŭ sam siabie. Vialiki čorny džyp dla Vinsent'a pazyčyŭ biełaruskamoŭny biźniesoviec Alaksandr Vałodzin, jaki syhraŭ u roliku supracoŭnika myjni ŭ vyšymajcy. U roli brutalnaha baradača źniaŭsia Jaŭhien Apanasievič, viadomy biełaruskamoŭny pradstaŭnik turystyčnaha biźniesu. Panienki: Hanna Kułakova (haspadynia biełaruskaha brenda sukienak KRASA) i jaje siabroŭka Alona S. Pamiaškańnie dla zdymak łaskava dała mienskaja «Aŭtamyjnia» na vulicy Radyjalnaj, 11.
Stvaralniki videa spadziajucca, što ŭsie zrazumiejuć humar i nie stanuć šukać u im inšyja padteksty. Hałoŭnaja meta rolika — pakazać, što biełaruskaja mova — mova modnych, paśpiachovych i sučasnych ludziej.
Nahadajem, tydzień tamu «Mova Nanova» vykłała rolik z udziełam Andrusia Takindanha. Viadomy muzyka, lidar hurta «Recha» prykinuŭsia zamiežnikam i paprasiŭ minakoŭ na Niamizie dapamahčy jamu pierakłaści biełaruskamoŭny list. Za niekalki dzion rolik nabraŭ 12 tysiač prahladaŭ.
Kamientary