Namier staršyni Jeŭrakamisii (JEK) Žan-Kłoda Junkiera pryniać udzieł u Pieciarburhskim ekanamičnym forumie vyklikaje rastučuju niezadavolenaść u ZŠA, niekatorych krainach ES i navat u samim aparacie JEK, paviedamlaje amierykanskaja hazieta The Politico sa spasyłkaj na dypłamatyčnyja krynicy.
Jak paviedamlaje vydańnie, krytyki aścierahajucca, što vizit Junkiera ŭ Rasiju ŭzmocnić pazicyi Uładzimira Pucina jakraz pierad pryniaćciem važnaha rašeńnia ab praciahu sankcyj suprać Maskvy ŭ kanflikcie vakoł Ukrainy. Jany pakazvajuć, što Pieciarburhski ekanamičny forum, na jaki štohod źjazdžajucca palityki, biźniesmieny i ekśpierty, časta razhladajecca jak procivaha Suśvietnamu ekanamičnamu forumu ŭ Davosie.
«Sustrečy tolki dziela samich sustreč nie dadajuć kaštoŭnaści adnosinam pamiž ES i Rasijaj. Kreml vykarystoŭvaje sustrečy, kab stvaryć uražańnie ab tym, što biźnies praciahvajecca jak zvyčajna i prajecyruje hetaje ŭražańnie ułasnaj publicy», - zajaviŭ u intervju Politico ministr zamiežnych spraŭ Litvy Linas Linkiavičus.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary