Vaŭki dapamahajuć vieteranam armii ZŠA pazbavicca «vjetnamskaha sindromu»
Posttraŭmatyčnaje stresavaje razładžańnie (PTSR) — ciažki psichičny stan, jaki ŭźnikaje ŭ vyniku pieražyvańnia čałaviekam psichatraŭmujučych situacyj, čaściej za ŭsio — na vajnie.
Dziakujučy supadzieńniu raźvićcia psichałohii z vajnoj u Vjetnamie, upieršyniu masava chvaroba była dyjahnazavanaja siarod amierykanskich žaŭnieraŭ, jakija vajavali suprać kamunistyčnych vojsk u hetaj krainie. U vyniku źjavilisia niefarmalnyja nazvy — «vjetnamski sindrom» u ZŠA, a potym — «afhanski sindrom» u SSSR.
Psichołahi, jakija lečać sučasnych amierykanskich vieteranaŭ z PTSR paśla vojnaŭ u Iraku i Aŭhanistanie, stali supracoŭničać z amierykanskim Centry ŭratavańnia žyvioł u Łokvudzie, dzie trymajuć 40 vaŭkoŭ, jakija byli ŭratavanyja paśla traŭmaŭ ci žorstkaha abychodžańnia, piša sajt taskandpurpose.com
Akazałasia, što traŭmavany čałaviek i traŭmavany voŭk dobra razumiejuć adzin adnaho, i dajuć adzin adnamu pačućcio blizkaści, uzajemnaj padtrymki, siabroŭstva, jakoje nie patrabuje słovaŭ.
Vieterany žyvuć i pracujuć z žyviołami, dapamahajučy im, i sami pastupova adychodziać ad svajoj traŭmy.
«Ja baču, jak u vieteranie znoŭ pačynaje žyć 13-hadovy chłopiec, jaki žyŭ u im da vajny. Cudoŭna, kali čałaviek robicca siabram zhrai, jakaja zvyčajna prymaje tolki svaich pa kryvi», — kaža adzin z zasnavalnikaŭ reabilitacyjnaj prahramy Met Simans.
Kamientary