Pucin nie ŭchvalaŭ ideju Łukašenki padtrymlivać biełaruskich ahraryjaŭ z tym, kab jany ekspartavali ŭ Rasiju banany. Dźmitryj Piaskoŭ abvierh rezanansnuju zajavu Łukašenki, nazvaŭšy jaje žartam.
Pres-sakratar prezidenta Dźmitryj Piaskoŭ abvierh infarmacyju pra toje, što Uładzimir Pucin nibyta padtrymlivaŭ ideju Alaksandra Łukašenki finansavać biełaruskich ahraryjaŭ dla vytvorčaści bananaŭ z nastupnym ekspartam u Rasiju.
«Heta byŭ žart na žart», — skazaŭ Piaskoŭ RBK, nie ŭdajučysia ŭ dalejšyja padrabiaznaści.
Rezanansnuju zajavu biełaruski prezident zrabiŭ u sieradu ŭ Minsku na trecim Forumie rehijonaŭ Rasii i Biełarusi, paśla pieramovaŭ z rasijskim lidaram.
«Raskryju nievialiki sakret. U zakrytym pasiadžeńni jon (Pucin) skazaŭ: davajcie my prafinansujem sady ŭ Biełarusi. Kali jość mahčymaść, chaj lepš vašyja ahraryi vyroščvajuć jabłyki i inšaje až da bananaŭ i pradajuć u Rasiju. Ja padtrymlivaju hetuju pazicyju», - pierakazaŭ žurnalistam Łukašenka zajavu Pucina.
Pucin hetyja słovy nie kamientavaŭ. U svaim vystupie jon adznačyŭ, što pałova ekspartnaj pradukcyi Biełarusi idzie na rasijski rynak, «ale moža być, jašče bolš». «Kali niekatoryja raspačać kroki, biełaruskija kalehi mohuć jašče bolš pastaŭlać», — vykazaŭ nadzieju kiraŭnik Rasii.
«My chočam mieć biełaruskuju pradukcyju, a nie tuju, što tranzitam prachodzić», — adznačyŭ prezident Rasii.
Pa dadzienych statystyki Fiederalnaj mytnaj słužby Rasii, za pieršuju pałovu 2015 hoda Biełaruś naraściła impart sankcyjnaha charčavańnia. Za piać miesiacaŭ 2015 hoda jana zaviezła ŭ Rasiju 916,4 tys. t tavaraŭ, uvoz jakich abmiežavany ź niekatorych krain, suprać 568,3 tys. t za toj ža pieryjad minułaha hoda, ličyli śpiecyjalisty maskoŭskaha Centra mižnarodnaha handlu. U vyniku dola hetaj krainy pa pastaŭkach sankcyjnych praduktaŭ charčavańnia ŭ Rasiju vyrasła z 13,5 da 21%.
Kamientary