U zachaplalny siužet, varty kryminalnaha sieryjała, vyliłasia pahonia za 22-hadovym mahiloŭcam, jaki nočču skraŭ aŭtobus.
Pradprymalnik ab źniknieńni aŭtobusa «Bohdan A-92», jaki naležyć jamu, zajaviŭ u milicyju ŭ try hadziny nočy, tut ža byŭ abvieščany płan «Pierachop». Aficyjny pradstaŭnik upraŭleńnia śledčaha kamiteta pa Mahiloŭskaj vobłaści Aksana Salaniuk raspaviała pra detali apieracyi:
— Biespracoŭny paśpieŭ prajechać ŭsiaho niekalki kiłamietraŭ — z vulicy Ciarochin da praśpiekta Puškinski. Tut jaho i zatrymała hrupa Kastryčnickaha adździeła departamienta achovy.
Milicyjanty, ubačyŭšy parušalnika, i sami ździvilisia. Jany paznali ŭ im zhonščyka, jaki trapiŭsia hetaj ža hrupie na takim ža złačynstvie ŭ 2008 hodzie. Tady jon skraŭ aŭtobus z Mahiloŭskaha aŭtaparka, adnak taksama daloka źjechać nie paśpieŭ. Uličvajučy małady (na toj momant) uzrost, chłopca na dva hady abmiežavali ŭ svabodzie. Na hety raz pakarańnie moža akazacca bolš surovym. Śledčym taksama padčas pryznačanych pravierak treba vyśvietlić: kudy małady čałaviek chacieŭ źjechać na sahnanych aŭtobusach?
Kamientary