Maryna Adamovič: Staryja kociki navat praź piać hadoŭ pryznali svajho haspadara
«Jon pakul drenna havoryć, ale chutka adnovicca, nie sumniavajusia! — raskazała «Novaj haziecie Jeŭropa» praz telefon žonka Mikałaja Statkieviča.
«Jon užo ciapier heta robić lepš, čym navat hadzinu tamu!»
Doma, akramia Maryny, Mikałaja čakała chulihanistaja čarada sabak i katoŭ, jakaja krychu pavialičyłasia.
«Našy staryja kociki navat praź piać hadoŭ pryznali svajho haspadara», — skazała Maryna.
***
Pra vyzvaleńnie Mikoły Statkieviča stała viadoma ŭčora, kali źjavilisia jaho foty doma ŭ Minsku.
Kandydat u prezidenty na vybarach 2010 hoda byŭ zatrymany 31 maja 2020 hoda, kali jechaŭ na mitynh Śviatłany Cichanoŭskaj na Kamaroŭku.
14 śniežnia 2021 hoda na zakrytym sudzie ŭ Homieli asudžany na 14 hadoŭ pazbaŭleńnia voli asablivaha režymu pavodle abvinavačańnia ŭ arhanizacyi masavych biesparadkaŭ. Razam ź im asudzili i inšych viadomych apanientaŭ ułady. Pakarańnie adbyvaŭ u kałonii ŭ Hłybokim, apošnija hady ŭtrymlivaŭsia ŭ režymie inkamunikada.
U 2020 hodzie atrymaŭ premiju imia Andreja Sacharava.
11 vieraśnia 2025 hoda Statkieviča niečakana vyzvalili razam ź inšymi 51 palitviaźniami i chacieli prymusova vydvaryć u Litvu. Statkievič, adnak, admoviŭsia pierasiakać miažu i zastaŭsia na terytoryi Biełarusi. Paśla taho, jak jaho zabrali łukašenkaŭskija siłaviki, pra jahony los ničoha nie było viadoma.
21 studzienia ŭ kałonii jon pieranios insult.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje23
Kamientary