U dzień adkryćcia jubilejnaha Pieciarburhskaha ekanamičnaha forumu (PMEF) u Smolnym aficyjna abviaścili, što hubiernatar Paŭnočnaj stalicy Hieorhij Pałtaŭčanka padpisaŭ ukaz ab prysvajeńni mostu praz Duderhofski kanał imia pieršaha prezidenta Čačni Achmata Kadyrava, suprać čaho vystupali šmatlikija haradžanie i niekatoryja deputaty haradskoha parłamienta.
Dniom raniej ab adpaviednaj pastanovie Pałtaŭčanki paviedamlali ŚMI sa spasyłkaj na krynicy, a 16 červienia hetuju infarmacyju paćvierdziŭ žurnalistam pres-sakratar hubiernatara Andrej Kibitaŭ i rastłumačyŭ, čamu ŭłady pryniali takoje rašeńnie, praihnaravaŭšy mierkavańnie «niazhodnych», jakija abapiralisia na toj fakt, što baćka ciapierašniaha kiraŭnika Čačni Ramzana Kadyrava nijakaha dačynieńnia da Paŭnočnaj stalicy nie maje.
«Sankt-Pieciarburh — heta častka Rasiei, druhi horad krainy, — cytuje jaho «Interfaks». — A Rasieja pamiataje i šanuje ŭsich svaich hierojaŭ. Naša kraina nie dzielić hierojaŭ pa nacyjanalnaj prynaležnaści. Sprabavać užyvać da hierojaŭ formułu — jon ničoha nie zrabiŭ dla Pieciarburha — heta značyć admaŭlać samo isnavańnie našaha horada, jaki na praciahu amal 300 hadoŭ źjaŭlaŭsia stalicaj šmatnacyjanalnaj rasijskaj dziaržavy».
Imia kožnaha hieroja Rasiei maje prava na ŭviekaviečańnie ŭ haradach krainy, «i heta nie parušaje tradycyj Sankt-Pieciarburha, a, naadvarot, padkreślivaje našu pavaha da historyi Rasii i roli asoby ŭ historyi», padkreśliŭ Kibitaŭ.
Napiaredadni, 15 červienia, Zakanadaŭčy schod horada admoviŭsia abmiarkoŭvać pytańnie ab zvarocie da hubiernatara z prośbaj nie nazyvać zhadany most u honar Achmata Kadyrava.
Tym časam kolkaść podpisaŭ pad pietycyjaj na sajcie Change.org suprać «mosta Kadyrava» dasiahnuła amal 92 tysiač.
«Most Kadyrava»
30 maja tapanimičnaja kamisija horada rekamiendavała prysvoić biezymiennamu mostu ŭ Krasnasielskim rajonie imia Achmata Kadyrava, ale apošniaje słova ŭ hetym pytańni zastavałasia za Smolnym.
6 červienia ŭ Pieciarburhu prajšoŭ uzhodnieny z uładami mitynh praciŭnikaŭ «mosta Kadyrava», dzie źbirali podpisy pad zvarotam hrupy niezaležnych deputataŭ da Pałtaŭčanki z prośbaj nie nazyvać hety biezymienny pakul abjekt imiem pieršaha prezidenta Čačni.
Na nastupny dzień prajekt zvarotu da Pałtaŭčanki abmierkavali na radzie frakcyj zakanadaŭčaha schodu. Suprać razhladu dakumienta vystupili deputat Vital Miłonaŭ i jaho kaleha Anatol Kryvienčanka, jakija abvinavacili praciŭnikaŭ «mosta Kadyrava» ŭ raspalvańni mižnacyjanalnaj varožaści i nacyjanaliźmie, a paśla zhadki pra dziasiatki tysiač podpisaŭ pad pietycyjaj na Change.org zasumniavalisia ŭ ich realnaści i prapanavali ich pravieryć.
8 červienia žurnalisty pasprabavali vyśvietlić pazicyju śpikiera ZakSa Viačasłava Makarava pa hetym pytańni, ale toj uchiliŭsia ad pramoha adkazu, skazaŭšy tolki, što «fihura Kadyrava zasłuhoŭvaje miesca ŭ historyi Rasii», i dadaŭ, što dziakujučy Kadyravu i Pucinu ŭdałosia spynić vajnu (u Čačni. — Zaŭvaha. NEWSru.com).
U toj ža dzień členy partyi «Jabłoko» padali ŭ harvykankam Pieciarburha dakumienty ab praviadzieńni refierendumu z metaj vyśvietlić mierkavańnie haradžan z nahody «mosta Kadyrava». Adkazu ad harvykankama nie było.
Bytuje viersija, što pieciarburhskija ŭłady ŭ hetaj historyi dziejničali z padačy Kramla. Adnak pres-sakratar prezidenta Dźmitryj Piaskoŭ zajaŭlaŭ, što «ŭ dadzienym vypadku heta prerahatyva haradskich uładaŭ — prymać rašeńni padobnaha rodu» i što «heta nie źjaŭlajecca pytańniem paradku dnia Kramla». Pry hetym jon nie adkazaŭ na pytańnie žurnalistaŭ, jakoj dumki z hetaj nahody prytrymlivajecca Uładzimir Pucin, jaki, nahadajem, źjaŭlajecca ŭradžencam Paŭnočnaj stalicy.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ26
Kamientary