Sud u Francyi prysudziŭ troch rasijskich futbolnych zaŭziataraŭ da terminaŭ ad adnaho da dvuch hadoŭ turmy pa abvinavačvańni va ŭdziele ŭ biesparadkach u Marseli pierad matčam pamiž zbornymi Rasii i Anhlii 11 červienia.
Mikałaj Marozaŭ, Alaksiej Jerunoŭ i Siarhiej Harbačoŭ byli siarod 43 rasijskich fanataŭ, zatrymanych francuzskaj palicyjaj u aŭtorak.
Jak paviedamlaje ahienctva Asašyejted pres, Jerunoŭ asudžany na dva hady turmy, Harbačoŭ — na 18 miesiacaŭ, a Marozaŭ — na 12 miesiacaŭ. Im taksama budzie zabaronieny ŭjezd na terytoryju Francyi na dva hady.
Alaksiej Jerunoŭ, jaki atrymaŭ maksimalny termin, na sudzie pryznaŭ, što na videazapisy bojki z brytanskimi zaŭziatarami fihuruje mienavita jon, ale zajaviŭ, što nikoha nie biŭ u chodzie bojki.
Harbačoŭ raniej zajaviŭ, što ŭ Marseli «usio było ŭzajemna»: «Byŭ pjany natoŭp, jaki prybyŭ z Anhlii sa svaimi abrazami prezidenta i śviniačymi pavodzinami. Znoŭ ža, była kuča pravakacyj, niezrazumiełych vychadak, u tym liku z boku francuzskich zaŭziataraŭ».
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ11
Kamientary