Ananič pra vydańnie knih Aleksijevič: «Heta pytańnie nie aktualnaje ŭ śviatle nacyjanalnaha knihavydańnia»
Ministar infarmacyi Lilija Ananič u kuluarach Usiebiełaruskaha narodnaha schodu adkazała na pytańnie, kali biełaruskija vydaviectvy pačnuć vydavać knihi Śviatłany Aleksijevič:
«Nia dumaju, što hetaje pytańnie aktualnaje ŭ śviatle nacyjanalnaha knihavydańnia. Biełaruskaja kniha hodna pradstaŭlenaja ŭ śviecie. Jość u nas i tvory Aleksijevič. Kali takoje žadańnie ŭ biełaruskich vydaviectvaŭ budzie — bo nie ministerstva vydaje knihi, a vydaviectvy — to biezumoŭna hetyja knihi buduć vydavacca. Ale kab nie było mahčymaści pačytać knihi Aleksijevič, ja takoha nia viedaju. Siońnia hetyja knihi šyroka ŭ prodažy ŭ Biełarusi».
Karespandent: «Ale heta rasiejskaje vydaviectva?»
«Što vy chočacie spytacca ŭ ministra infarmacyi? Ci buduć vydavacca? Buduć. Jany i ciapier vydajucca. Tut u składzie delehacyi jość taksama vydaŭcy. Papytajciesia kankretna ŭ ich pra vydavieckija plany. Ja liču, što siońnia nacyjanalnaje knihavydańnie, asabliva knihi, jakija vydajucca ź dziaržaŭnaj padtrymkaj, adlustroŭvaje ŭvieś spektar nacyjanalnaha knihavydańnia. Lepšyja knihi, jakija stvarajucca ŭ vydaviectvie, heta knihi, jakija pradstaŭlajuć našuju krainu — Biełaruś.
Hałoŭnaja siońniašniaja padzieja — Ŭsiebiełaruski narodny schod. Ja b vam vielmi raiła skarystać cudoŭnuju mahčymaść — padyjści da kožnaha delehata, bo jany pradstaŭlajuć usiu krainu. I kałhaśniki, i rabočyja, i navukoŭcy, i ministry, i dziejačy kultury. Pachadzicie i pasłuchajcie i dajcie ŭsio heta — dumki, mierkavańni — na Radyjo Svaboda. Kab śviet pačuŭ sapraŭdnuju Biełaruś. Jaje pamknieńni, jaje mary, jaje kłopaty i jaje budučyniu. Voś heta taja infarmacyja, jakaja pavinna ŭ tym liku i słuchačam Radyjo Svaboda.
Vy, mnie padajecca, troški adnabakova kormicie svajho słuchača».
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary