«Dla taho kab naš narod byŭ kulturnym, jość usio», — zajaviŭ Alaksandr Łukašenka ŭ svaim vystupleńni 22 červienia ŭ Minsku na V Usiebiełaruskim narodnym schodzie.
Pavodle jaho słoŭ, u hod kultury prachodzić šmat mierapryjemstvaŭ. «Dla kultury zroblena niamała — i pa rekanstrukcyi, i pa refarmavańni. Dla taho kab naš narod byŭ kulturnym, jość usio. Ale treba kulturnym rabotnikam varušycca, być bolš inicyjatyŭnymi, raskavanym i nie hladzieć uvieś čas u rot dziaržavie», — ličyć kiraŭnik dziaržavy.
«Akcent treba zrabić jak na maštabach i jakasnym baku našaj kulturnaj śfiery, tak i na pavyšeńni jaje turystyčnaj pryvabnaści», — dadaŭ jon.
Na dumku Łukašenki, stvaranyja tvory litaratury, muzyčnaha, vyjaŭlenčaha, teatralnaha i kinamastactva «zaklikany sadziejničać farmiravańniu kaštoŭnaściaŭ biełaruskaha hramadstva, adlustroŭvać duchoŭny vopyt nacyi». «Naša meta — nie samaizalacyja, nie procistajańnie inšym kulturam, a ŭzajemadziejańnie i ŭzajemaabahačeńnie. Padkreślivaju, admietnymi rysami kultury biełaruskaha naroda źjaŭlajucca ŭzajemnaja pavaha, nieprymańnie lubych formaŭ mižnacyjanalnaj varožaści. Hetyja pryncypy my padtrymlivali i nadalej budziem padtrymlivać», — zapeŭniŭ kiraŭnik dziaržavy.
«Biełaruś siońnia — cytadel tradycyjnaj kultury i marali. Tak budzie zaŭsiody», — padkreśliŭ Łukašenka.
-
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
-
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
-
Zołatava raskazała pra palitźniavolenuju Volhu Čukaravu ź insultam, što aślepła ŭ kałonii. Joj kazali: «Vy prydurvajeciesia?»
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski8
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2323
Kamientary