Bojnia ŭ Dałasie: snajpier chacieŭ zabivać «biełych ludziej, pierš za ŭsio, palicejskich»
Adzin z tych, chto ŭ piatnicu adkryŭ ahoń pa palicejskim u Dałasie, 25-hadovy Mika Džonsan, jak vyśvietliłasia, źjaŭlajecca vajennasłužačym zapasu, jaki prajšoŭ Afhanistan.
Taksama stała viadoma, što prezident ZŠA Barak Abama skarocić svajo jeŭrapiejskaje turne i prybudzie ŭ Dałas.
U čaćvier u Dałasie piaciora palicejskich byli zabityja i jašče siamiora atrymali ranieńni ŭ vyniku stralby sa snajpierskich vintovak padčas pratestaŭ suprać zabojstva palicyjaj dvuch čarnaskurych hramadzian. Sami pratesty pačalisia paśla taho, jak u internecie z roźnicaj u dva dni źjavilisia adrazu dva videa z roznych štataŭ, na jakich palicejskija zabivajuć dvuch afraamierykancaŭ — u štacie Miniesota i ŭ Łuizijanie.
U chodzie śpiecapieracyi palicyi ŭdałosia aryštavać troch padazronych, ich imiony pakul nie nazyvajucca. Čaćviorty — Mika Džonsan — schavaŭsia ŭ haražy i paśla šmathadzinnaha supraćstajańnia byŭ zabity pry vykarystańni vybuchovaj pryłady padčas šturmu budynka, dzie jon chavaŭsia.
Vybuchoŭka tudy była dastaŭlena pry dapamozie robata.
Padčas pieramovaŭ z palicyjaj Džonsan zajaviŭ, što dziejničaŭ u adzinočku i chacieŭ zabivać «biełych ludziej, u pieršuju čarhu, palicejskich».
Pieramovy z padazravanym zajšli ŭ tupik. Było pryniata rašeńnie vykarystać bombu.
Pa źviestkach palicyi, Džonsan žyŭ u pryharadzie Dałasa, u jaho nie było kryminalnaha minułaha, u suviaziach z ekstremistami jon taksama nie byŭ zaŭvažany.
-
U Pakistanie ździejśnili terakt u miačeci, zahinuli bolš za 30 čałaviek
-
Hienierał Alaksiejeŭ, u jakoha siońnia stralali ŭ Maskvie, datyčny da katavańnia abaroncaŭ «Azoŭstali». Prakapienka: Spravu daviadziom da kanca
-
U Pieciarburhu prafiesara aryštavali pa abvinavačvańni ŭ dziaržzdradzie, bo publikacyi mahła čytać narviežskaja raźviedka
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni34
Kamientary