U Rasii ckujuć lohkaatletku Darju Klišynu, jakuju dapuścili da Alimpijady
25-hadovaja skakucha ŭ daŭžyniu Darja Klišyna — heta adzinaja rasijskaja lohkaatletka, jakuju dapuścili da Alimpijady ŭ Rya-de-Žanejra. Sama Darja ź Ćviary, ale apošnija try hady stała žyvie ŭ ZŠA.
Heta nie samaja mocnaja rasijskaja atletka. Tolki ŭ 2014 hodzie jana była treciaj na čempijanacie Jeŭropy ŭ Ciurychu. Heta najvyšejšaje dasiahnieńnie Klišynaj.
Kali stała viadoma, što rasijskuju zbornuju nie dapuściać da Alimpijady praz šmatlikija vypadki ŭžyvańnia dopinhu, jana źviarnułasia ŭ Mižnarodnuju fiederacyju lohkaj atletyki (IAAF) z prośbaj dapuścić jaje da Alimpijady. Usie astatnija 67 zajavak byli adchilenyja.
Pryčym Klišyna budzie vystupać nie pad rasijskim, a pad niejtralnym ściaham.
Na svajoj staroncy ŭ fejsbuku Klišyna pakinuła dopis na anhlijskaj movie, dzie dziakuje IAAF za vyniesienaje rašeńnie. «Siońnia ja sapraŭdy ščaślivaja», — napisała jana.
Paśla hetaha ŭ kamienty da Klišynaj pryjšli dastatkova ahresiŭnaja publika, jakaja stała pierakonvać, što spartsmienka — heta hańba krainy, a taksama jana zdradziła intaresam krainy.
Praź niejki čas Darja Klišyna pakinuła inšy dopis: «Darahija siabry, ciapier jak nikoli nam patrebna vaša padtrymka. Nichto nie pavinien apuskać ruki, i nam varta dačakacca rašeńnia suda i spadziavacca što jano budzie na karyść ruskich atletaŭ i što ŭsio ž taki naša kamanda zmoža pajechać na Alimpijadu ŭ Rya», — napisała Klišyna, adnak navat pad hetym dopisam było mnostva niehatyŭnych vodhukaŭ.
Alimpijada ŭ Rya projdzie ad 5 da 21 žniŭnia.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary