Eks-trenier «Čełsi» padpisaŭ kantrakt ź milanskim «Interam», śćviardžaje partuhalskaje vydańnie A Bola.

Pieramovy z byłym trenieram «Čełsi» pačalisia dva miesiacy tamu i paśpiachova zavieršylisia na hetym tydni. Zarobak partuhalca ŭ klubie składzie 9 młn eŭra ŭ hod.
Čakajecca, što da svajho byłoha treniera ŭ «Intery» dałučacca paŭabaronca «Barselony» Deku (jon hulaŭ pad kiraŭnictvam Maŭryńju ŭ «Portu») i vice‑kapitan «Čełsi» Frenk Łempard. Chaŭbek «nera-dzury» Łuiš Fihu zastaniecca ŭ klubie jašče na adzin hod.
Hałoŭnaj zadačaj, jakuju prezydent «Interu» Masima Maraci stavić pierad novym trenieram, źjaŭlajecca pieramoha ŭ Lizie čempijonaŭ, cytuje partuhalskaje vydańnie partał sports.ru.
Nahadajem, što try tydni tamu źjaviłasia infarmacyja, što paŭbaronca biełaruskaj zbornaj i londanskaha «Arsenału» Alaksandar Hleb pierachodzić mienavita ŭ «Inter».
Kamientary