Uznosy ŭ fond na vypadak bankructva pradpryjemstvaŭ mohuć zrabić abaviazkovymi dla ŭsiaho biznesu

Rašeńnie ab stvareńni ŭ krainie harantyjnaha fondu na vypadak bankructva pradpryjemstvaŭ, uznosy ŭ jaki pavinny buduć płacić praktyčna ŭsie kamiercyjnyja arhanizacyi krainy, moža być pryniataje ŭžo ŭ 2017 hodzie. Pra heta paviedamlaje pres-słužba Fiederacyja prafsajuzaŭ Biełarusi (FPB), jakaja vystupiła inicyjataram stvareńnia takoha fondu.

Na pasiadžeńni prezidyuma savieta FPB, jakoje adbyłosia ŭ kancy minułaha tydnia, było abvieščana ab stvareńni mižviedamasnaj rabočaj hrupy dla prapracoŭki kankretnych miechanizmaŭ i paramietraŭ funkcyjanavańnia harantyjnaha fondu. «Sistemy strachavańnia ryzyk niavypłaty zarpłaty pry bankructvie pradpryjemstva dazvalajuć zadavalniać patrabavańni rabotnikaŭ da pradpryjemstvaŭ-bankrutaŭ ab vypłacie zarabotnaj płaty za košt śpiecyjalnych metavych harantyjnych fondaŭ, što finansujucca ŭznosami ŭsich pradpryjemstvaŭ. Takija miery zabiaśpiečvajuć bolš vysokuju sacyjalnuju abaronienaść pracoŭnych», — cytuje pres-słužba FPB načalnika hałoŭnaha ŭpraŭleńnia sacyjalnaha partniorstva i pracoŭnych adnosin aparatu savieta fiederacyi Maksima Karšakieviča.

Miarkujecca, što fond budzie farmiravacca za košt štomiesiačnych adličeńniaŭ pradpryjemstvaŭ, jakija traplajuć pad dziejańnie zakona «Ab ekanamičnaj niepłaciežazdolnaści (bankructvie)». Varta adznačyć, što pad dziejańnie zhadanaha zakona traplajuć u Biełarusi praktyčna ŭsie kamiercyjnyja arhanizacyi.

Jak paviedamlałasia raniej, tema stvareńnia harantyjnaha fondu ŭźnimałasia ŭ mai padčas kruhłaha stała, arhanizavanaha FPB. Na hetym mierapryjemstvie byŭ prezientavany litoŭski vopyt funkcyjanavańnia takoha fondu, uznosy ŭ jaki taksama płaciać praktyčna ŭsie kamiercyjnyja arhanizacyi krainy.

U hety čas Fiederacyja prafsajuzaŭ prapanuje na dziaržaŭnym uzroŭni pravieści raźliki, nieabchodnyja dla vyznačeńnia vieličyni uznosaŭ, jakija biźnies pavinien budzie vypłačvać u harantyjny fond na vypadak bankructva pradpryjemstvaŭ. «Zrazumieła, patrabujucca detalovyja raźliki sum adličeńniaŭ. I hetym pavinny zajmacca śpiecyjalisty. Ale z vopytu inšych krain takija adličeńni nie pieravyšajuć dziasiatych dolaŭ pracenta ad fondu zarabotnaj płaty», — cytuje Maksima Karšakieviča pres-słužba FPB.

Pavodle acenak FPB, siońnia dastatkova vostra paŭstaje prablema zabieśpiačeńnia poŭnaj i efiektyŭnaj zaniataści, usio bolš pradpryjemstvaŭ akazvajucca nie ŭ stanie svoječasova vypłačvać zarabotnuju płatu. «Pracesy madernizacyi i restrukturyzacyi ekanomiki, što adbyvajucca, mohuć uzmacniać takija sacyjalnyja ryzyki, jak ryzyka biespracoŭja i ryzyka niavypłaty zarabotnaj płaty pry bankructvie pradpryjemstva. Praktyka isnavańnia takich fondaŭ u śviecie šyroka raspaŭsiudžanaja. My vyvučali vopyt Litvy, Estonii, Bielhii i inšych krain i bačym, što heta realny achoŭny miechanizm jak dla rabotnikaŭ, tak i dla najmalnikaŭ», — padkreśliŭ Karšakievič.

Nahadajem, Mižnarodny valutny fond, da jakoha biełaruskija ŭłady źviarnulisia pa novy kredyt, prapanuje pravieści hłybokija reformy ŭ siektary dziaržpradpryjemstvaŭ. Svaje rekamiendacyi fond abviaściŭ u Minsku padčas červieńskaj misii.

Inšy kredytor Biełarusi, Jeŭrazijski fond stabilizacyi i raźvićcia, ad jakoha biełaruskija ŭłady ŭžo atrymali pieršy tranš novaha kredytu, taksama rekamienduje pravieści refarmavańnie siektara dziaržpradpryjemstvaŭ Biełarusi. Pavodle acenak Jeŭrazijskaha banka raźvićcia, kiraŭnika srodkaŭ jeŭrazijskaha fondu, zališniaja zaniataść ŭ siektary dziaržpradpryjemstvaŭ Biełarusi składaje 20%.

• 0
• 0
• 0
• 0
• 0
• 0
• 0
• 0