Dzień biełaruskaha piśmienstva ŭ 2017 hodzie prymie Połack, paviedamiła namieśnik premjer-ministra Biełarusi Natalla Kačanava na pasiadžeńni Mižviedamasnaha ekśpiertna-kaardynacyjnaha savieta pa turyźmie pry Saviecie ministraŭ (MEKS), jakoje adbyłosia ŭ Połacku (Viciebskaja vobłaść) 18 lipienia.
Pavodle infarmacyi pres-słužby Minadukacyi, vice-premjer adznačyła: «Sioleta maštabnaje śviata prymie Rahačoŭ. Na apošnim pasiadžeńni arhkamiteta pa padrychtoŭcy śviata było pryniata rašeńnie, što nastupnaj stalicaj Dnia piśmienstva stanie Połack, niahledziačy na toje, što tut prachodziła śviata ŭžo nie adzin raz.
Simvalična, što jakraz u 2017 hodzie budzie adznačacca i 500-hodździe biełaruskaha knihadrukavańnia, i ŭ Połacku naradziŭsia Francysk Skaryna».
Na dumku Kačanavaj, Połack pavinien stać turystyčnaj Miekaj i dla hetaha jość usio nieabchodnaje. Pry hetym jana adznačyła, što nie ŭsie abjekty, cikavyja turystam, zadziejničany ŭ poŭnaj miery.
«Usio, što treba dla raźvićcia turyzmu, u Połacku jość. Heta vielmi važny z histaryčnaha punktu pohladu horad, tut znachodziacca słavutaści, jakija mohuć pryciahnuć vialikuju kolkaść turystaŭ», — ličyć jana.
Kamientary