Druhi tranš kredytu Jeŭrazijskaha fondu stabilizacyi i raźvićcia (JEFSR) u $ 300 młn pieraličany Biełarusi. Takaja infarmacyja raźmieščana na sajcie Ministerstva finansaŭ.
«Biełaruś vykanała ŭmovy dla atrymańnia druhoha tranšu finansavaha kredytu Jeŭrazijskaha fondu stabilizacyi i raźvićcia, padpisanaha ŭ Maskvie 25 sakavika 2016 hoda. Srodki pamieram $300 młn pastupili ŭ respublikanski biudžet 29 lipienia», — rastłumačyli ŭ Minfinie.
Ministerstva finansaŭ Biełarusi i Jeŭrazijski bank raźvićcia 25 sakavika 2016 hoda padpisali pahadnieńnie ab pradastaŭleńni finansavaha kredytu sa srodkaŭ Jeŭrazijskaha fondu stabilizacyi i raźvićcia. Pahadnieńniem praduhledžana vydzialeńnie finansavych resursaŭ na sumu $2 młrd u padtrymku mier ekanamičnaj palityki i strukturnych pieraŭtvareńniaŭ ŭrada i Nacyjanalnaha banka Biełarusi na 2016—2018 hady, uchvalenych Savietam Jeŭrazijskaj fondu stabilizacyi i raźvićcia.
Srodki buduć pradastaŭleny siamju tranšami na praciahu 2016-2018 hadoŭ: dva tranšy ŭžo pieraličanyja, u 2016 hodzie čakajecca jašče adzin tranš, try — u 2017-m i adzin — u 2018-m hodzie.
Jak paviedamlałasia, Biełaruś u pieršaj pałovie 2015 hoda padała zajaŭku na novy kredyt u pamiery $ 3 młrd u Antykryzisny fond JeŭrAzES (zaraz nosić nazvu Jeŭrazijski fond stabilizacyi i raźvićcia (JEFSR)). Paśla pieršapačatkova ahučanaja suma kredytu dla Biełarusi ŭ $ 3 młrd pamienšyłasia ŭ pracesie pieramovaŭ da $ 2 młrd.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB1
Kamientary