Drukarnia Prezidenckaha spartyŭnaha kłuba maje zapazyčanaść pa padatkach
Palihrafičnaje ŭnitarnaje pradpryjemstva «Pieršaja ŭzornaja drukarnia», ułaśnikam jakoha źjaŭlajecca RDHA «Prezidencki spartyŭny kłub», trapiła ŭ «čorny śpis» padatkapłacielščykaŭ.
Na 1 žniŭnia hetaha hoda «Pieršaja ŭzornaja drukarnia» naroŭni sa zvyš 1,6 tys. kampanij i arhanizacyj i blizu 280 IP uvajšło ŭ pieralik subjektaŭ haspadarańnia, jakija majuć zapazyčanaść pierad biudžetam u horadzie Miensku.
«Pieršaja ŭzornaja drukarnia» — adno ź niekalkich kamiercyjnych pradpryjemstvaŭ, jakija viaduć biznes pad ehidaj «Prezidenckaha spartyŭnaha kłuba». Apošnim kiruje syn prezidenta Dźmitryj Łukašenka. Palihrafičnaja kampanija była stvorana ŭ 2009 hodzie na parytetnych pačatkach z kampanijaj «Remark», jakaja viadomaja arhanizacyjaj «Motaršoŭ» i inšych zabaŭlalnych mierapryjemstvaŭ. U 2013 hodzie ŭładalnik «Remarka» Dźmitryj Jarota sastupiŭ svaju dolu ŭ drukarni «Prezidenckamu spartyŭnamu kłubu».
Surjoznaje padzieńnie dziełavoj aktyŭnaści ŭ Biełarusi niehatyŭna adbivajecca na rynku palihrafičnych pasłuh. Drukarni atrymlivajuć usio mienš zamoŭ, bo zvužajecca miedyjny rynak. Heta paćviardžaje prysutnaść u «čornym śpisie» niekalkich viadomych vydaviectvaŭ. Na 1 žniŭnia tolki ŭ Minsku zapazyčanaść pierad biudžetam mieli «Biełfakta Miedyja», «Redakcyja časopisa «Sprava (Uschod + Zachad)», kampanija «BiełMiedyaSajuz» (vydaviec «Majho kampjutara», biełaruskaha AutoBild i inšych prajektaŭ) i «Redakcyja haziety «Aŭtadajdžest».
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku1
Kamientary