VPS ZŠA prystupili da vypracoŭki patrabavańniaŭ da budučaha źniščalnika, jaki moža źjavicca ŭ 2040-ch hadach. Pra heta piša Lenta.ru sa spasyłkaj na Defense News.
Prajektnyja raboty pa samalocie, jaki paznačajecca jak NGAD (Next Generation Air Dominance) i PCA (Penetrating Counter Air), znachodziacca na pačatkovym etapie adboru alternatyŭ. Praca viadziecca «Sumiesnaj hrupaj pa daśledavańni prablem zavajovy panavańnia ŭ pavietry ŭ 2030 hodzie» (Air Superiority 2030 ECCT) na avijabazie Rajt-Patersan (štat Ahajo).
Pavodle acenak, jakija pryvodzić vydańnie, vykacić taki samalot možna budzie nie raniej za 2040 hod. Tym nie mienš niekatoryja vajennyja padkreślivajuć, što pracy možna farsiravać za košt paralelnaha prajektavańnia bartavych sistem i šyrokaha vykarystańnia madelavańnia.
«Realistyčny hrafik taki, što kala 2028 hoda pry ŭmovie naležnaha finansavańnia klučavych technałahičnych raspracovak PCA moža dasiahnuć pačatkovaj apieratyŭnaj hatoŭnaści», — zajaviŭ bryhadny hienierał Aleksus Hrynkievič, jaki ŭznačalvaje hetuju hrupu.
Jon adznačyŭ, što VPS ciapier paźbiahajuć słovaŭ nakštałt «šostaje pakaleńnie» abo navat «nastupnaje pakaleńnie», patłumačyŭšy, što havorka idzie nie pra niejkuju adnu peŭnuju płatformu, rezka adroznuju charaktarystykami ad papiarednich, a pra intehravanuju sietku bajavych sistem.
Akramia latalnych aparataŭ, jakija vałodajuć jak zdolnaściu praryvać SPA, tak i nanosić udary, nie ŭvachodziačy ŭ zonu parazy supiernika, u hetuju sietku ŭklučajecca šerah kibiersistem, kaśmičnych sistem, a taksama srodkaŭ radyjoelektronnaj baraćby. Pavodle zaŭvahi Hrynkieviča, heta ŭžo «nie zusim toj źniščalnik», jak jaho pryvykli razumieć lotčyki («dzieviać g pierahruzki, dva kili, harmata i blizki boj»).
Budučy pierśpiektyŭny šmatmetavy źniščalnik NGAD taksama viadomy pad paznakaj F/A-XX. U pieršuju čarhu jon pavinien zamianić samaloty F/A-18, tamu asnoŭny zacikaŭleny bok — avijacyja fłotu, adnak VPS taksama ŭdzielničajuć u pracy nad budučymi bajavymi mašynami. U 2013 hodzie karparacyja Boeing prezientavała kancept samalota, jaki jana hatovaja raspracoŭvać pa hetym prajekcie.
Ciapier čytajuć
Čempijon Biełarusi i Polščy trapiŭ za kraty praz toje, što źbieh ad słužby ŭ biełaruskim vojsku. A ciapier uvohule źnik1
Kamientary