Kiraŭnik MZS FRH upeŭnieny, što Rasieja pavinna viarnucca ŭ skład G8 ŭžo ŭ nastupnym hodzie. Pavodle jaho słoŭ, abmierkavańnie hetaha pytańnia mahčyma tolki paśla prahresu ŭ Danbasie i pa Siryi.
Ministr zamiežnych spraŭ Hiermanii Frank-Valter Štajnmajer vystupaje za viartańnie Rasii ŭ G8, ale ličyć, što heta mahčyma tolki paśla istotnaha prahresu ŭ situacyi pa Danbasie i Siryi. Ab hetym kiraŭnik MZS zajaviŭ u intervju RedaktionsNetzwerk Deutschland.
«Kluč da viartańnia farmatu G8 znachodzicca ŭ Maskvie», — skazaŭ ministr. Pavodle jaho słoŭ, kanflikty ŭ Siryi i va Ukrainie demanstrujuć, što Rasieja nie moža być vyklučanaja «ź ciesnaha supracoŭnictva najbujniejšych ekanomik śvietu».
«Kali narešcie budzie istotny prahres pa situacyi va ŭschodniaj častcy Ukrainy i ŭ pieramovach ab spynieńni ahniu ŭ Siryi, partniory pa G7, viadoma, hatovyja razmaŭlać z Maskvoj», — padkreśliŭ Štajnmajer.
Jon adznačyŭ, što pieramovy z Rasijaj iduć ciažka i toj fakt, što ŭ Krymie i va Ukrainie Rasieja parušyła asnoŭnyja jeŭrapiejskija pryncypy, nichto nie admaŭlaje.
«Ale mienavita ŭ takoj situacyi pavinna być u našych intaresach — paźbiehnuć dalejšaj eskałacyi i stvaryć prazrystaść tam, dzie parušany davier. Pierazapusk u halinie kantrolu nad uzbrajeńniami nie źjaŭlajecca sastupkaj Rasii, ale ŭ intaresach usioj Jeŭropy»,
— skazaŭ na zakančeńnie ministr.
Vydańnie adznačaje, što zajavy kiraŭnika MZS prahučali napiaredadni kanfierencyi Arhanizacyi pa biaśpiecy i supracoŭnictvie ŭ Jeŭropie (ABSIE), u jakoj voźmuć udzieł pradstaŭniki 57 krain, u tym liku Rasii.
Paśla dałučeńnia Kryma ŭ 2014 hodzie Rasieja pierastała ŭdzielničać u sustrečach «vialikaj vaśmiorki». Tady samit pavinien byŭ adbycca ŭ Sočy, adnak u vyniku pradstaŭniki siamiorki praviali sustreču ŭ Bruseli. U 2015 hodzie lidary Hiermanii, Francyi, Vialikabrytanii, Italii, Japonii, Kanady i ZŠA praviali samit u Bavaryi, u 2016-m — u japonskaj Chirasimie.
Štajnmajer nieadnarazova zajaŭlaŭ pra toje, što Rasieja pavinna viarnucca ŭ G8. Tym nie mienš u krasaviku 2016 hoda namieśnik kiraŭnika rasijskaha MZS Siarhiej Rabkoŭ zajaviŭ, što dla Maskvy farmat G8 zastaŭsia ŭ minułym. U Kramli taksama pryznali, što hetaje pytańnie nie staić na paradku dnia.
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii13
Kamientary