U Baranavičach milicyja źniała dvuch padletkaŭ z 30-mietrovaj mačty
1 vieraśnia, u 20.30, u Baranavicki AUS na transparcie pastupiła paviedamleńnie ad pracaŭnikoŭ stancyi «Baranavičy-Paŭnočnyja» pra toje, što na adnu z aśviatlalnych mačtaŭ zabralisia padletki.
Śledča-apieratyŭnaja hrupa adrazu ž adpraviłasia na miesca, dzie zatrymała dvuch 16-hadovych školnikaŭ. Na samy vierch vyški chłopcy ŭźniacca nie paśpieli. Supracoŭnikam transpartnaj milicyi padletki skazali, što chacieli pahladzieć na horad z vyšyni.
«Załazić na takija aśviatlalnyja mačty vielmi niebiaśpiečna, jany nie pryznačanyja dla ahulnaha karystańnia. Školniki ŭ luby momant mahli ŭpaści i raźbicca», — prakamientavaŭ Jaŭhien Nahavicyn, inśpiektar prafiłaktyki Baranavickaha AUS na transparcie.
Za apošnija niekalki miesiacaŭ heta užo treci vypadak, kali padletki załaziać na aśviatlalnyja mačty. Dahetul nikoha zatrymać nie ŭdałosia.
Materyjały pa hetaj spravie nakiravanyja ŭ inśpiekcyju pa spravach niepaŭnaletnich.
Kamientary