Kiraŭnik Biełarusi ŭchvaliŭ ŭčynak delehacyi, čalcy jakoj vyjšli na cyrymoniju adkryćcia Paralimpijskich hulniaŭ u Rya-de-Žaniejra ź ściaham Rasii. Pra heta ŭ čaćvier, 8 vieraśnia, radyjostancyi «Havoryć Maskva» zajaviła pres-sakratar kiraŭnika dziaržavy Natalla Ejsmant.
«Vynas ściaha padčas cyrymonii adkryćcia — inicyjatyva biełaruskaj delehacyi. Tym nie mienš ja chaču padkreślić, što heta pazicyja dziaržaŭnaja, i heta ŭ tym liku pazicyja prezidenta krainy i prezidenta našaha Paralimpijskaha kamiteta. My salidarnyja z rasijskimi paralimpijcami», — padkreśliła jana.
Ejsmant taksama źviarnuła ŭvahu, što dokazaŭ užyvańnia rasijskimi paralimpijcami dopinhu tak i nie było pradstaŭlena.
— Kali jany havorać pra dopinh, my kateharyčna suprać dopinhu, ale nivodnaha faktu pa paralimpijcach, jakija ŭžyvali b dopinh i jakich adchilili ad udziełu, pradjaŭlena nie było. A ludzi, dla jakich sport — heta bolš, čym sport, byli ad Paralimpijady adchilenyja. Voś heta naša dziaržaŭnaja pazicyja i pazicyja prezidenta našaj krainy.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary