U Biełarusi prykładvajuć namahańni da taho, kab pa vynikach vybarčaj kampanii z boku Zachadu nie było nijakich pretenzij, zajaviŭ žurnalistam Aleksandr Łukašenka.
«Tak, my rabili ŭsio dla taho, kab da nas nie było pretenzij pierš za ŭsio ad zachodniaha boku (nie tolki ABSIE, my taksama jaho členy, i my šmat možam pretenzij vystavić dziaržavam, jakija źjaŭlajucca členami ABSIE). Ź inšaha boku, kali nas paprakajuć zachodniki, nas ciažka padtrymlivać rasijanam, kitajcam i hetak dalej. my nie chočam stvarać prablem i dla našych siabroŭ takim čynam. Tamu my išli dzieści nasustrač pažadańniam, rekamiendacyjam i ŭmovam, jakija vyłučali dla nas zvonku», — skazaŭ jon.
Pavodle słoŭ Alaksandra Łukašenki, luby palityk, i asabliva kiraŭnik dziaržavy, zacikaŭleny ŭ tym, kab u adnosinach da jaho krainy nie ŭvodzilisia jakija-niebudź abmiežavańni i sankcyi. «Usie my nie chočam žyć pad sankcyjami, tamu što tak ci inakš heta ŭpłyvaje na nas. Na Rasiju ŭ mienšaj stupieni, tamu što jana samadastatkovaja kraina ŭ bolšaj stupieni, čym my. Na nas — u bolšaj stupieni. Jak by my ni kazyrylisia, heta niepryjemna «, — adznačyŭ biełaruski lidar.
«Tak, nam niepryjemna, što hetyja sankcyi byli. Toje, što ich admianili, — heta śviedčańnie taho, što my mieli racyju. My nie zasłuhoŭvali hetych sankcyj, taksama jak i rasijanie», — zajaviŭ Łukašenka.
Razam z tym jon padkreśliŭ, što kali Biełarusi staviać peŭnyja ŭmovy, jon pierš za ŭsio hladzić na toje, ci adpaviadaje heta intaresam krainy, ci jość mahčymaść pajści na toj ci inšy krok. «Kali heta mahčyma, my na heta idziom. Navošta zališnie abvastrać abstanoŭku? Tamu my rabili ŭsio, kab da nas było mienš pretenzij», — skazaŭ Łukašenka.
Kamientary