Juryju Čyžu, jaki z sakavika znachodziŭsia ŭ SIZA KDB, u sieradu źmianili mieru strymańnia. Hetuju infarmacyju TUT.BY paćvierdzili niekalki nie źviazanych adna z adnoj krynic.
«Vyjšaŭ. Učora ŭžo ŭ łaźni paryŭsia», — raspavioŭ surazmoŭca, blizki da asiarodka biznesmena.
Pavodle infarmacyi adnoj krynicy, Juryj Čyž adpuščany pad chatni aryšt i ŭ jaho jość šeść miesiacaŭ na viartańnie pradjaŭlenych jamu pretenzij (pa słovach Łukašenki, heta 12-13 młn dalaraŭ).
Pa dadzienych inšaj krynicy, jon adpuščany pad padpisku ab niavyjeździe. «Tak, učora vyjšaŭ. Čakajem na pracu», — skazała jana.
«Učora vyjšaŭ pad padpisku. Chaj adpracoŭvaje. Pravilny padychod», — skazaŭ treci surazmoŭca.
Paćvierdzić infarmacyju ŭ pres-słužbie KDB pra źmianieńnie miery strymańnia biźniesmienu nie ŭdałosia.
11 vieraśnia Alaksandr Łukašenka skazaŭ, što «sprava Čyža» znachodzicca na kantroli ŭ prezidenta. «I nie tolki tamu, što jon bujny biźniesmien. Jon niedaloka časam byŭ ad prezidenta… Mnohija asacyjavali jaho pavodziny ź imiem prezidenta. Mnie heta nieabyjakava, ščyra kažu», — pryznaŭsia Łukašenka. Razam z tym jon paviedamiŭ, što biznesoŭcu ŭžo pradjaŭlenyja abvinavačvańni i Čyž hatovy pakryć škodu. «Jość ekanamičnyja złačynstvy, niavypłata padatkaŭ i hetak dalej — pamnažajcie na try, a niekatoryja na piać, płacicie za ŭsio, što skrali ŭ dziaržavy, i idzicie pracujcie. I jany ž pracujuć i ŭdziačnyja za toje, što ich nie adpravili ŭ miescy nie nadta dalokija hadoŭ na 15, jak u toj ža Amierycy», — adznačyŭ kiraŭnik dziaržavy.
***
Nahadajem, asnoŭny ŭładalnik hrupy kampanij «Trajpł» Juryj Čyž byŭ zatrymany pravaachoŭnymi orhanami 11 sakavika. Razam ź biznesmenam u SIZA KDB trapili jašče 5 čałaviek, jakija padazrajucca va ŭchileńni ad vypłaty padatkaŭ i zboraŭ u asabliva bujnym pamiery. Pa słovach kiraŭnika KDB Valeryja Vakulčyka, suma škody pa kryminalnaj spravie ŭ dačynieńni da biźniesmiena Juryja Čyža składaje kala 12 młn dalaraŭ.
23 žniŭnia na volu vyjšaŭ i šmathadovy partnior Čyža pa biźniesie Uładzimir Japryncaŭ.
Ciapier čytajuć
Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?7
Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary