Padazravany ŭ zamachu na zabojstva z dapamohaj padpału doma ŭ Navahrudskim rajonie zaklučany pad stražu, paviedamiŭ aficyjny pradstaŭnik USK pa Hrodzienskaj vobłaści Siarhiej Šaršanievič.
Śledčy kamitet vyśviatlaje akaličnaści padpału doma ŭ Navahrudskim rajonie. Pažar adbyŭsia nočču 7 vieraśnia. Žychary adčuli pach dymu i samastojna pakinuli pamiaškańnie. Haspadynia doma, jaje 4-hadovy syn i sužyciel nie paciarpieli. Ratavalniki apieratyŭna patušyli ahoń, ale budynak častkova źniščany.
Na miescy zdareńnia śledčyja i ekśpierty vyjavili pradmiety, jakija śviedčać pra naŭmysny padpał doma. «Heta dało padstavy dla raspačynańnia kryminalnaj spravy pa faktach zamachu na zabojstva dvuch i bolš asob, jakija znachodzilisia ŭ biezdapamožnym stanie, ździejśnienaha ahulnaniebiaśpiečnym sposabam i z asablivaj žorstkaściu, a taksama naŭmysnaha źniščeńnia i paškodžańnia majomaści ahulnaniebiaśpiečnym sposabam (art.14 č.1, art. 139 č.2 p.1,2,5,6 i art.218 č.2 Kryminalnaha kodeksa Biełarusi)», — adznačyŭ Siarhiej Šaršanievič.
Padazreńni ŭpali na byłoha sužyciela haspadyni doma, raniej nie asudžanaha. Mierkavany matyŭ — reŭnaść. Śledčyja vyśvietlili, što mužčyna raniej vykazvaŭ pahrozy sužycielcy, jakaja razarvała ź im adnosiny, abiacaŭ padpalić jaje dom, a napiaredadni pažaru nabyŭ u adnaviaskoŭca butelku ź bienzinam.
Śledčyja źbirajuć materyjał, jaki charaktaryzuje ŭzajemaadnosiny asob, dapytvajuć žycharoŭ vioski, pryznačany šerah składanych ekśpiertnych daśledavańniaŭ. Vyjaŭlajecca pamier naniesienaj škody.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary