U aŭtorkavym numary «Narodnaj voli» vyjšła satyryčnaja paema za aŭtarstvam Makara Drukara (psieŭdanim nieviadomaha) pad nazvaj «Daŭ zadańnie Pravadyr napisać «Vajnu i mir».
Vieršavanaja paema adlustroŭvaje litaraturnyja pracesy ŭ Biełarusi. Pavodle siužetu, staršyniu praŭładnaha sajuza tvorcaŭ Tryndunca (aluzija na Čarhinca) vyklikaje da siabie Pravadyr i daje zahad napisać štości roŭnaje «Vajnie i miru», inačaj toj trapić u niałasku.
Ad biezvychodnaści členy sajuza vyklikajuć duch Karatkieviča, kab paprasić jaho nadyktavać hienijalny tvor.
Ale toj złosna admaŭlaje, paśla čaho ŭ śnie Trynduniec traplaje na Parnas, dzie bačyć Bykava, Karatkieviča, Tanka dy inšych, i ŭciakaje ad ich.
Skončvajecca paema tym, što Čechaŭ i Tałstoj pierakonvajuć Tryndunca ŭ jahonaj ułasnaj adoranaści i toj siadaje pisać tvor pad nazvaj «Pravadyr».
«Naša Niva» zapytałasia ŭ staršyni prałukašenkaŭskaha Sajuza piśmieńnikaŭ Mikałaja Čarhinca, što jon dumaje pra paemu.
«Ja pahladzieŭ heta… Skažu słovami Čechava: kali vas pakusaŭ sabaka, heta nie značyć, što treba adkazvać jamu tym ža», — skazaŭ Čarhiniec, paśla čaho vykazaŭsia pra aŭtara davoli rezka.
«Niejki niedavumak, jakoha niama navat — heta ž psieŭdanim aŭtara! Heta prydurak! Sifilisam zaražany! Pa-mojmu, u jaho sifilis mozhu,
a jaho pieradrukavaŭ [… — epitety vydalenyja redaktaram NN] Novikaŭ [Alaksandr Novikaŭ — litaraturny krytyk]. Voś i ŭsia acenka. Što tam cikavaha jość aproč chamstva, tannaha pryčym? Aproč zajzdraści? Biazdarnyja słovy, litaraturaj i nie pachnie, vierša i blizka niama. I hroš cana takoj haziecie, jakaja heta drukuje», — razyšoŭsia Čarhiniec.
Taksama my jaho spytali, jak jon budzie vyrašać pytańnie, abaznačaje ŭ paemie — zahad «Pravadyra» stvaryć tvor na ŭzroŭni «Vajny i miru».
«Słuchajcie, treba ž pravilna razumieć, Łukašenka mieŭ na ŭvazie tvory, jakija mohuć rasceńvacca jak «Vajna i mir», — skazaŭ Čarhiniec. — I my takoha ž mierkavańnia. U nas jość svaje knihi i piśmieńniki. Heta knihi Bykava, i Šamiakina, i Tanka, i mnohich inšych. A naš sučasny piśmieńnik! Pačytajcie Iljinskaha «Šapka Monomacha», Hniłamiodava «Rasija», pačytajcie Bandarenku pra Pieršuju suśvietnuju vajnu, Marčuka, Matvijenki «Avijanosiec Kałčak». Heta vybitnyja tvory, jakija mohuć vychodzić u śviet».
Taksama Mikałaj Čarhiniec dadaŭ, što «toj paŭdurak», jaki napisaŭ tvor, naadvarot, musiŭ hanarycca biełaruskaj litaraturaj, ale pramianiaŭ honar na hanarar ad «Narodnaj voli».
«Heta nie ŭvojdzie ŭ anały historyi biełaruskaj litaratury, i maje kalehi taksama plunuli ŭ toj bok», — reziumavaŭ Čarhiniec.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty23
Kamientary