Rasija nakiruje ŭ Mižziemnaje mora avijanosny krejsier «Admirał Kuźniacoŭ», paviedamiŭ ministr abarony Rasii Siarhiej Šajhu.
Pavodle jaho słoŭ, ciapier u rasijskuju hrupoŭku va ŭschodniaj častcy Mižziemnaha mora ŭvachodziać nie mienš za šeść bajavych karabloŭ i try-čatyry sudny zabieśpiačeńnia sa składu ŭsich fłatoŭ.
«Dla naroščvańnia bajavych mahčymaściaŭ u hrupoŭcy płanujem ŭklučyć u jaje skład karabielnuju avijanosnuju hrupu z krejsieram «Admirał Kuźniacoŭ», — zajaviŭ Šajhu.
Šajhu nahadaŭ, što pastajannaja prysutnaść rasijskich VMF va ŭschodniaj častcy Mižziemnamorja była adnoŭlena ŭ 2013 hodzie.
Interfaks sa spasyłkaj na krynicy paviedamlaje, što krejsier adpravicca ŭ Mižziemnaje mora ŭ siaredzinie kastryčnika. Pachod, pa dadzienych ahienctva, budzie doŭžycca ad čatyroch da piaci miesiacaŭ.
«Admirał Kuźniacoŭ» — adziny rasijski avijanosiec, jaki znachodzicca ŭ strai.
Raniej kiraŭnik dumskaha kamiteta pa abaronie, były kamandujučy Čarnamorskim fłotam RF admirał Uładzimir Kamajedaŭ zajaviŭ, što avijanosiec moža być zadziejničany ŭ vajennaj apieracyi ŭ Siryi, pieradaje Interfaks.
U kastryčniku minułaha hoda Rasija nanosiła ŭdary pa abjektach u Siryi z dapamohaj čatyroch rakietnych karabloŭ z Kaśpijskaha mora.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary