Biełaruś zajmaje 3-je miesca ŭ śviecie pavodle śmiarotnaści ad zabrudžanaha pavietra
Pieršaje miesca zajmaje Ukraina, na druhim — Bałharyja. Takija vyniki apublikavanaha Suśvietnaj arhanizacyjaj achovy zdaroŭja (SAAZ) daśledavańnia pra ŭździejańnie zabrudžanaha pavietra na zdaroŭje ludziej.
Raniej Ahienctva AAN pa achovie navakolnaha asiarodździa ŭžo papiaredžvała, što škodnyja vykidy ad aŭtamabilaŭ i pramysłovaści zabivajuć 3 miljony čałaviek štohod.
Pavodle vynikaŭ novaha daśledavańnia SAAZ, 92% nasielnictva Ziamli žyvuć u miescach, dzie ŭzroŭni zabrudžvańnia pavietra pieravyšajuć normy SAAZ. Vyniki analizu hruntujucca na dadzienych, atrymanych z dapamohaj spadarožnikavych vymiareńniaŭ, pavietranaha transpartu i manitorynhu naziemnych stancyj dla bolš čym 3000 miescaŭ na ziamnym šary, jak sielskich, tak i haradskich.
Pavodle ahulnych ličbaŭ śmiarotnaści ad chvarobaŭ, źviazanych z zabrudžvańniem pavietra, pieršaje miesca ŭ śviecie zajmaje samaja nasielenaja kraina śvietu Kitaj — u hod tam pamiraje 1 miljon 32 tysiačy 833 čałavieki.
Ale kali brać kolkaść śmierciaŭ na 100 tysiač nasielnictva, tut suśvietnym lidaram źjaŭlajecca Ukraina — 120 čałaviek. Na druhim miescy — Bałharyja (118 čałaviek), na trecim — Biełaruś (100 čałaviek), na čaćviortym miescy Rasija (98).
Poŭny śpis krainaŭ pavodle abodvuch pakaźnikaŭ — absalutnaj ličby śmierciaŭ i kolkaści śmierciaŭ na 100 tysiač nasielnictva — publikuje brytanskaja hazieta «Guardian».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary