U Biełarusi za apošnija dziesiać hadoŭ kolkaść pažyłych ludziej pavialičyłasia na 190,1 tys. čałaviek, abo na 10,8%, paviedamili ŭ Nacyjanalnym statystyčnym kamitecie.
U ahulnaj kolkaści sielskaha nasielnictva dola pažyłych ludziej pamienšyłasia z 28,5% na pačatak 2006 hoda da 27,9% na pačatak 2016 hoda, u haradach i pasiołkach haradskoha typu — pavialičyłasia z 14,4% da 18,5%.
Zhodna z pryniataj u hierantałohii kłasifikacyjaj, da pažyłych naležać ludzi va ŭzroście 60 hadoŭ i starejšyja. U ciapierašni čas demahrafičnaja situacyja ŭ śviecie składvajecca takim čynam, što z hoda ŭ hod raście absalutnaja kolkaść i ŭdzielnaja vaha pažyłych ludziej. Biełaruś nie źjaŭlajecca vyklučeńniem.
Na pačatak 2016 hoda ŭ našaj krainie pražyvała 1 955,5 tys. pažyłych ludziej, ci amal kožny piaty žychar. U haradach i pasiołkach haradskoha typu kolkaść nasielnictva va ŭzroście 60 hadoŭ i starejšych składała 1 360,8 tys., u sielskich nasielenych punktach — 594,7 tys. čałaviek.
Štohod 1 kastryčnika adznačajecca Mižnarodny dzień pažyłych ludziej. Takoje rašeńnie ŭ śniežni 1990 hoda było pryniata Hienasamblejaj AAN u metach pryciahnieńnia ŭvahi suśvietnaj hramadskaści da prablem i patreb ludziej stałaha ŭzrostu, padtrymańnia ŭ ich pačućcia patrebnaści hramadstvu, pavyšeńnia stupieni infarmavanaści hramadskaści ab demahrafičnym stareńni hramadstva.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary