Respublikancy dumajuć nad zamienaj kandydatury Trampa

Nacyjanalny kamitet Respublikanskaj partyi ZŠA pierahladaje svaju stratehiju i šukaje mahčymaści dla zamieny Donalda Trampa inšym kandydatam na vybarach prezidenta ZŠA.

Pra heta sa spasyłkaj na krynicu ŭ Respublikanskaj partyi piša vydańnie Politico.

Pavialičyć

Jurysty Nacyjanalnaha kamiteta partyi vyvučajuć mahčymaść vyłučeńnia inšaha kandydata na pasadu prezidenta ZŠA za miesiac da vybaraŭ, kali biuleteni ŭžo nadrukavanyja i ŭ niekatorych štatach užo adbyvajecca daterminovaje hałasavańnie.

«U nackamiteta jość armija jurystaŭ, jakija ciapier vyvučajuć praviła № 9 (tyčycca zapaŭnieńnia vakantnych kandydatur) i pytańnie losavańnia», — śćviardžaje surazmoŭca ahienctva.

Ale jurysty pryjšli da vysnovy, što z Trampam pryjdziecca supracoŭničać, pakolki, pavodle praviła, kandydat moža być zamienieny tolki ŭ vypadku śmierci abo dobraachvotnaj admovy, a jon zajaviŭ, što nie źbirajecca zdymać svaju kandydaturu.

Mahčymaść zamieny Trampa jurysty partyi abmiarkoŭvajuć paśla taho, jak hazieta Washington Post apublikavała videazapis 2005 hoda, na jakim kandydat u prezidenty ad Respublikanskaj partyi ZŠA Donald Tramp raspaviadaŭ ab damahańniach da žančyn.

Paśla hetych zajaŭ 11 hadovaj daŭniny kala dziesiaci upłyvovych členaŭ Respublikanskaj partyi zajavili, što nie stanuć hałasavać na prezidenckich vybarach 8 listapada za Trampa. «Davoli! Donald Tramp nie pavinien stać prezidentam!» — zajaviła byłaja dziaržsakratarka pry Džordžu Bušu-małodšym Kandaliza Rajs.

U svaju čarhu, Tramp zajaviŭ, što, niahledziačy na skandał vakoł jaho, jon ni ŭ jakim razie nie zdymiecca z prezidenckaj honki. «ŚMI i isteblišment šalona chočuć prybrać mianie, ale ja nikoli nie vyjdu z honki i nie padviadu maich prychilnikaŭ», — napisaŭ Tramp na svajoj staroncy ŭ tvitary. «Ja nikoli nie zdymajusia z honki. Ja nikoli ŭ svaim žyćci nie adstupaŭ», — zajaviŭ jon haziecie Washington Post.

Razam z tym jon vypuściŭ videazvarot, u jakim paprasiŭ prabačeńnia za niaŭdałyja vykazvańni. U im jon padniaŭ temu siamiejnych zdrad Biła Klintana, jakoj raniej abiacaŭ nie kranać u chodzie pieradvybarnaj honki. «Bił Klintan faktyčna złoŭžyvaŭ žančynami, a Chiłary ździekavałasia ź jaho achviar i saramaciła ich», — zajaviŭ Tramp.

Pavodle dadzienych apošniaha apytańnia, Klintan padtrymlivajuć 48% vybarščykaŭ, Trampa 44%. U niadzielu, 9 kastryčnika, adbudziecca druhi raŭnd pieradvybarčych teledebataŭ pamiž Trampam i Klintan.

• 0
• 0
• 0
• 0
• 0
• 0
• 0
• 0