Maskva budzie abaraniać svaje intaresy ŭ halinie internet-biaśpieki, zajaviŭ pres-sakratar rasijskaha prezidenta Dźmitryj Piaskoŭ, kamientujučy zajavu vice-prezidenta ZŠA Džo Bajdena. Napiaredadni Bajden paabiacaŭ »adkazać» na kibierataki na amierykanskija struktury, u jakich Vašynhton abvinavačvaje Rasiju.
«Davodzicca prymać miery pa abaronie intaresaŭ, niejak chedžyravać svaje ryzyki, — zajaviŭ Piaskoŭ. — I nie tolki nam, tamu što takaja niepradkazalnaść niebiaśpiečnaja dla ŭsiaho śvietu».
Pamočnik rasijskaha prezidenta Juryj Ušakoŭ taksama paviedamiŭ, što Rasija budzie reahavać na zajavy ZŠA ab patencyjnych kibieratakach. «Heta ŭžo na miažy chamstva», — dadaŭ jon.
14 kastryčnika Džo Bajden zajaviŭ, što ŭ ZŠA jość mahčymaści adkazać na kibierataki.
«Jon [Pucin] daviedajecca pra heta, i heta adbudziecca ŭ toj čas, jaki abiarem my, i pry tych abstavinach, jakija buduć mieć najbolšy efiekt», — skazaŭ amierykanski vice-prezident.
Taksama telekampanija paviedamiła sa spasyłkaj na nienazvanyja krynicy, što Vašynhton moža arhanizavać mahutnuju kibierataku na rasijskija internet-resursy.
Pavodle hetych paviedamleńniaŭ, hetaja ataka razhladajecca ŭ administracyi prezidenta ZŠA jak adkaz na mierkavanaje ŭmiašańnie Rasii ŭ amierykanskija vybary praz chakierskija ataki.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary