Zdareńnie adbyłosia pad Minskam dniom 15 kastryčnika. Pra heta karespandentu BIEŁTA paviedamiŭ načalnik adździaleńnia ahitacyi i prapahandy DAI UUS Minabłvykankama Aleh Ciuryn.
Pavodle jaho słoŭ, maštabnaje DTZ z udziełam niekalkich aŭto adbyłosia napiaredadni ŭ 11.30 na 17-m kiłamietry aŭtadarohi Minsk-Maładziečna-Narač. Jaho ŭdzielnikami stali adrazu try Volkswagen Passat, Audi, Subaru i Kia.
«Pavodle papiaredniaj viersii, kiroŭcu Volkswagen štości pieraškodziła praciahnuć ruch na raniejšaj chutkaści i jon prytarmaziŭ. Za im, nie ŭtrymlivaja dystancyju, jechaŭ jašče adzin Passat. Pryčynaj hetaha DTZ, chutčej za ŭsio, stała elemientarnaje nievykanańnie kiroŭcami dystancyi pamiž transpartnymi srodkami», — vykazaŭ zdahadku Aleh Ciuryn.
Inšyja čatyry mašyny «dałučylisia» da DTZ, sutyknuŭšysia pa pryncypie «paravoza». U vyniku niepaŭnaletniaja dziaŭčynka 2005 hoda naradžeńnia, jakaja, sa słoŭ kiroŭcy Subaru, była pryšpilenaja, atrymała niaznačnyja cialesnyja paškodžańni. Niesurjoznyja traŭmy taksama atrymaŭ pasažyr mašyny Kia, jakaja trapiła ŭ DTZ apošniaj.
«U toj ža čas u Subaru jechała dzicia 2012 hoda naradžeńnia, jano znachodziłasia ŭ śpiecyjalnym kreśle i nijakich cialesnych paškodžańniaŭ nie atrymała», — zaŭvažyŭ Aleh Ciuryn.
Pa fakcie DTZ pravodzicca pravierka. U suviazi z paharšeńniem umoŭ nadvorja načalnik adździaleńnia ahitacyi i prapahandy DAI UUS Minabłvykankama nahadaŭ, što kiroŭcam nieabchodna źnižać chutkaść ruchu, pavialičvać dystancyju ź inšymi aŭtamabilami, być maksimalna ŭvažlivymi.
Kamientary