Za bieł-čyrvona-bieły ściah sabrali 10 tysiač podpisaŭ
Zbor podpisaŭ za nadańnie bieł-čyrvona-biełamu ściahu statusu niemateryjalnaj historyka-kulturnaj kaštoŭnaści skančajecca 19 kastryčnika. Zvarot u Minkult padrymała kala 10 tysiač minčukoŭ, kaža adzin z arhanizataraŭ zvarotu, ciaślar Źmicier Daškievič.
«Možna kazać ab 10 tysiačach podpisaŭ. Ličba prykładnaja pakul, treba jašče dakładna pieraličyć, pierapravieryć usio, ale kala 10 tysiač my sabrali, — śćviardžaje Daškievič. — Podpisy my pieradamo ŭ Ministerstva kultury. Plus nakirujem elektronny zvarot ab nadańni nacyjanalnamu ściahu statusu historyka-kulturnaj kaštoŭnaści ŭ Minkult i ŭ Akademiju navuk».
Nahadajem, što akcyja pa zbory podpisaŭ doŭžyłasia miesiac — z 19 vieraśnia, Dnia Ściaha (19 vieraśnia 1991 hoda histaryčnaja simvolika była pryznana dziaržaŭnaj).
19 kastryčnika — apošni dzień pa zbory podpisaŭ za bieł-čyrvona-bieły ściah, za jaho ŭniasieńnie ŭ śpis nacyjanalna-kulturnych kaštoŭnaściej. I adnačasova viadziecca simvaličny zbor podpisaŭ pad artykułam Džona Silviera «5 pryčyn, pa jakich Ukraina pieramoža RF».
Daškievič paviedamlaje, što dziejuć nastupnyja pikiety.
1. Vychad ź mietro pł. Jakuba Kołasa — da 20:00.
2. Vychad ź mietro pł. Niezaležnaści ŭ bok vakzała — da 20:00.
3. Vychad ź mietro Kupałaŭskaja/Kastryčnickaja ŭ bok univiersama «Centralny» — da 22:00.
4. Vychad ź mietro Instytut Kultury ŭ bok čyhunki i Doma bytu — z da 20:00.
5. Vychad ź mietro Malinaŭka ŭ bok hipiermarkieta «Prastor» — z 17:00 da 21:00.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje13
Kamientary