Prezident Piatro Parašenka pierakanany, što da praviadzieńnia Samitu «Ukraina—ES» u Bruseli 24 listapada dla hramadzian Ukrainy budzie ŭviedzieny biaźvizavy režym ź Jeŭrasajuzam.
Pra heta jon skazaŭ u intervju ukrainskim telekanałam uviečary 23 kastryčnika, paviedamlaje pries-słužba kiraŭnika Ukrainy.
«Ja ŭpeŭnieny ŭ tym, što dakumienty ab nadańni Ukrainie biaźvizavaha režymu całkam buduć padpisanyja i ratyfikavanyja Jeŭraparłamientam. Nie maju nijakaha sumnievu. Mahu navat skazać da jakoj daty — heta adbudziecca da 24 listapada. Tamu što 24 listapada adbudziecca Samit Ukraina—ES, i my damovilisia, što na hety Samit dakumienty buduć hatovyja», — zajaviŭ Parašenka.
Pavodle jaho, byŭ praviedzieny šerah pieramovaŭ, padčas jakich Ukraina zaručyłasia padtrymkaj bolšaści palityčnych sił u Jeŭraparłamiencie. Havorka idzie pra Jeŭrapiejskuju narodnuju partyju, sacyjalistaŭ, libierałaŭ i kansiervataraŭ, udakładniŭ jon. «My majem absalutnuju bolšaść u Jeŭraparłamiencie z nahody ratyfikacyi Pahadnieńnia ab biaźvizavym režymie», — zapeŭniŭ prezident Ukrainy.
Jon patłumačyŭ, što zatrymka była vyklikanaja raspracoŭkaj miechanizmu prypynieńnia biaźvizavaha režymu dla krain. Adnak jana źviazanaja nie z Ukrainaj, a ź niekatorymi krainami Blizkaha Uschodu. Ciapier pieramovy z Ukrainaj paskoryli razhlad hetaha miechanizmu prypynieńnia. Havorka išła, u pryvatnaści, pra sprečku pamiž uładaj Jeŭraparłamientu i paŭnamoctvami Jeŭrakamisii. «Ja vielmi spadziajusia, što parazumieńnie budzie znojdziena. Na nastupnym tydni prahałasavany miechanizm prypynieńnia i budzie znojdzieny kampramis», — raźličvaje Parašenka.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary