Alaksandr Łukašenka patrabuje ad kiraŭnikoŭ rajonaŭ u śfiery sielskaj haspadarki nadać pryjarytetnuju ŭvahu vyvadu prablemnych pradpryjemstvaŭ na ŭstojlivuju pracu. Pra heta jon zajaviŭ siońnia, pryznačajučy kiraŭnikoŭ miascovaj viertykali ŭłady.
«Treba vielmi surjozna rychtavacca da nastupnaha hoda. Jon budzie asablivym. Nichto ni za kim chadzić i ŭhavorvać nie budzie. I vam nie varta jechać tudy, kudy nie treba (ja maju na ŭvazie na sielhaspradpryjemstvy, u sielskija rajony). Nie treba tudy jechać lišni raz. Tady jedźcie tudy, dzie drenna», — skazaŭ kiraŭnik dziaržavy.
Pavodle jaho słoŭ, jak praviła, u kožnym rajonie jość adno-dva sielhaspradpryjemstvy, jakija patrabujuć pilnaj da siabie ŭvahi. «Biaryciesia za ich. Astatnija, viadoma, trymajecie ŭ pole zroku. Nie hladzicie, pryvatnyja jany (pryvatyzavanyja) abo dziaržaŭnyja. Vy za ich adkazvajecie, i ŭsie kiraŭniki pavinny być žorstka padparadkavany vam i vykonvać tyja patrabavańni, jakija ŭstanoŭleny zakonami ŭ našaj dziaržavie», — zapatrabavaŭ Alaksandr Łukašenka.
Kamientary