Ministerstva zamiežnych spraŭ Vienhryi vyklikała pasła Rasii ŭ Budapiešcie, paśla taho jak rasijski televiadučy Dźmitryj Kisialoŭ nazvaŭ padziei ŭ Vienhryi 1956 hoda «kalarovaj revalucyjaj», piša VVS.
Jak rastłumačyli ŭ viedamstvie, Vienhryja «nie prymaje lubuju niepavažlivuju pazicyju ŭ adnosinach da paŭstańnia 1956 hoda abo jaje hierojaŭ».
Pres-sakratar pasolstva Rasii ŭ Vienhryi Iryna Zvonava paviedamiła, što ciapier uzhadniajecca čas vizitu pasła ŭ vienhierskaje MZS.
Repartaž pra antysavieckaje paŭstańnie ŭ Vienhryi byŭ pakazany ŭ minułuju niadzielu ŭ prahramie Kisialova «Vieści tydnia» na dziaržaŭnym telekanale «Rasija 1». U padvodcy da siužeta Kisialoŭ skazaŭ, što padziei 1956 hoda, mahčyma, byli pieršaj «kalarovaj revalucyjaj» u siabroŭskaj SSSR krainie.
Kisialoŭ taksama zajaviŭ, što nastroj paŭstancaŭ «byŭ padchopleny zachodnimi vyviedkami, jakija ŭžo ŭ tyja časy adpracoŭvali technałohiju pieratvareńnia pieršapačatkova mirnaha pratestu ŭ kryvavy chaos».
U samym repartažy havaryłasia, što dla ŭdziełu ŭ paŭstańni z Aŭstryi ŭ Vienhryju zakidvalisia dyviersijnyja atrady uciekłych paśla vajny nacystaŭ.
Zbrojnaje paŭstańnie u Vienhryi suprać prasavieckaha režymu pačałasia 23 kastryčnika 1956 hodu. Da 11 listapada jano było zadušanaje savieckimi vojskami.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?12
Kamientary