Žančyny ŭ siarednim pracujuć na 50 chvilin u dzień i na 39 dzion u hodzie daŭžej, čym mužčyny, havorycca ŭ daśledavańni Suśvietnaha ekanamičnaha forumu, piša VVS.
Jak havorycca ŭ spravazdačy, niahledziačy na toje, što za apošnija dziesiać hadoŭ u śviecie stała amal na čverć miljarda bolš pracujučych žančyn, dla poŭnaj likvidacyi hiendarnaj niaroŭnaści na pracy, kali ruchacca ŭ hetym kirunku ciapierašnimi tempami, spatrebicca jak minimum 170 hadoŭ.
U dakładzie ŭličvajecca nieapłatnaja praca pa chacie, jakuju mnohija žančyny robiać kožny dzień. Usiarednienuju ličbu ŭ 39 dzion u hod daśledčyki atrymali z ulikam hetaha faktaru.
U asobnych krainach, naprykład u Indyi, Partuhalii i Estonii žančyny pracujuć na 50 dzion u hod bolš, čym mužčyny. Ź inšaha boku, u niekatorych krainach nazirajecca zvarotnaja tendencyja navat z ulikam žanočaj pracy pa chacie: u Japonii i Niderłandach mužčyny pracujuć u siarednim na paŭhadziny ŭ dzień bolš za žančyn.
Što tyčycca apłatnaj pracy, to mužčyny ŭ siarednim vykonvajuć jaje prykładna na 39% bolš.
Jak havaryłasia ŭ apublikavanym ŭ 2014 hodzie spravazdačy Suśvietnaha ekanamičnaha forumu, za minułyja dziesiać hadoŭ hiendarnaja roŭnaść u śviecie stała bolš adčuvalnaj, pa miery taho jak žančyny atrymali bolš mahčymaściaŭ dla ŭdziełu ŭ palitycy i dziełavym žyćci.
Aryštavany 75‑hadovy Źmicier Sańko — vieteran-vydaviec3
Kamientary