Palčys: Za hod nastroi siłavikoŭ u turmach u mianie na vačach mocna źmianilisia
Nastroi siłavikoŭ, ź jakimi Eduardu Palčysu daviałosia sutyknucca ŭ časie źniavoleńnia ŭ 2015 i 2016 hadach, značna pamianialisia. Pra heta palitviazień napisaŭ u svaim pieršym paviedamleńni ŭ fejsbuku ad času vychadu na svabodu paśla suda ŭčora.
«Pakul žonka śpić, zachapiŭ jaje fejsbuk», — žartuje Palčys.
«Viedajcie, što salidarnaść — najmahutiejšaja zbroja, jakaja prabivaje lubyja mury. Ja ŭ vielizarnym daŭhu pierad usimi», — padsumoŭvaje Palčys.
Nahadajem, što błohiera Eduarda Palčysa sudzili za jahonyja publikacyi: u dzieviaci ź ich sud znajšoŭ «ekstremizm», a ŭ adnoj — «raspaŭsiud parnahrafii».
Pravaabaroncy ličać kryminalnuju spravu błohiera palityčnaj.
Sud pačaŭsia 14 kastryčnika i prachodziŭ u zakrytym režymie. Prysud byŭ vyniesieny 28 kastryčnika i akazaŭsia niečakana miakkim. Prakuror prasiŭ dla Palčysa 3,5 hoda turmy, sud vyznačyŭ chimiju, jakaja skončycca praz dva miesiacy. Błohier vyjšaŭ na svabodu ŭ zale suda.
Kryminalnuju spravu na Palčysa zaviali jašče ŭ 2015 hodzie. Uvosień taho hoda jon vyjechaŭ va Ukrainu, ale zatym, pa słovach žonki, vyrašyŭ viarnucca ŭ Biełaruś. Jon mierkavaŭ, što jaho mohuć zatrymać na ŭkrainska-biełaruskaj miažy, a tamu pajechaŭ praz Rasiju, dzie i byŭ zatrymany.
23 studzienia 2016 hoda Palčysa źmiaścili ŭ SIZA Branskaj vobłaści ŭ Rasii. U červieni jaho ekstradziravali ŭ Biełaruś.
Tak supała, što Palčysu ŭ dzień suda spoŭniłasia 26 hadoŭ.
Źniavoleńnie błohiera vyklikała haračuju kampaniju salidarnaści.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary