Пальчыс: За год настроі сілавікоў у турмах у мяне на вачах моцна змяніліся
Настроі сілавікоў, з якімі Эдуарду Пальчысу давялося сутыкнуцца ў часе зняволення ў 2015 і 2016 гадах, значна памяняліся. Пра гэта палітвязень напісаў у сваім першым паведамленні ў фэйсбуку ад часу выхаду на свабоду пасля суда ўчора.
«Пакуль жонка спіць, захапіў яе фэйсбук», — жартуе Пальчыс.
«Ведайце, што салідарнасць — наймагутейшая зброя, якая прабівае любыя муры. Я ў велізарным даўгу перад усімі», — падсумоўвае Пальчыс.
Нагадаем, што блогера Эдуарда Пальчыса судзілі за ягоныя публікацыі: у дзевяці з іх суд знайшоў «экстрэмізм», а ў адной — «распаўсюд парнаграфіі».
Праваабаронцы лічаць крымінальную справу блогера палітычнай.
Суд пачаўся 14 кастрычніка і праходзіў у закрытым рэжыме. Прысуд быў вынесены 28 кастрычніка і аказаўся нечакана мяккім. Пракурор прасіў для Пальчыса 3,5 года турмы, суд вызначыў хімію, якая скончыцца праз два месяцы. Блогер выйшаў на свабоду ў зале суда.
Крымінальную справу на Пальчыса завялі яшчэ ў 2015 годзе. Увосень таго года ён выехаў ва Украіну, але затым, па словах жонкі, вырашыў вярнуцца ў Беларусь. Ён меркаваў, што яго могуць затрымаць на ўкраінска-беларускай мяжы, а таму паехаў праз Расію, дзе і быў затрыманы.
23 студзеня 2016 года Пальчыса змясцілі ў СІЗА Бранскай вобласці ў Расіі. У чэрвені яго экстрадзіравалі ў Беларусь.
Так супала, што Пальчысу ў дзень суда споўнілася 26 гадоў.
Зняволенне блогера выклікала гарачую кампанію салідарнасці.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай7
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары