Łabavoje sutyknieńnie dvuch aŭtamabilaŭ adbyłosia ŭ Dokšyckim rajonie, abodva kiroŭcy mocna paciarpieli, paviedamiŭ časova vykonvajučy abaviazki načalnika adździaleńnia ahitacyi i prapahandy DAI UUS Viciebskaha abłvykankama Alaksandr Kaziučyc.
DTZ adbyłosia siońnia ranicaj u 6.50 na 122-m km aŭtadarohi Łahojsk-Ziembin-Hłybokaje — na vyjeździe ź vioski Čačuki. «Pavodle papiaredniaj infarmacyi, 48-hadovy kiroŭca mikraaŭtobusa «Miersiedes Bienc» niapravilna vybraŭ chutkaść ruchu, nie ŭličyŭ darožnuju abstanoŭku (drobny mokry śnieh, ciomny čas sutak) i vyjechaŭ na pałasu sustrečnaha ruchu, dzie sutyknuŭsia z aŭtamabilem «Opiel Viektra», — rastłumačyŭ Alaksandr Kaziučyc.
Sutyknieńnie akazałasia takim mocnym, što pryjšłosia pryciahvać rabotnikaŭ MNS, kab dastać paciarpiełych. Abodva kiroŭcy — i mahiloviec z «Miersiedesa», i 31-hadovy hłybačanin z «Opiela» — ź ciažkimi traŭmami dastaŭlenyja ŭ reanimacyjnaje adździaleńnie Dokšyckaj centralnaj rajonnaj balnicy.
«Viadoma, što starejšy z kiroŭcaŭ maje bolš čym 10-hadovy staž kiravańnia. Za hety čas jon 18 razoŭ pryciahvaŭsia da administracyjnaj adkaznaści za parušeńnie praviłaŭ darožnaha ruchu, u tym liku trojčy — u hetym hodzie. Pa fakcie DTZ pravodzicca pravierka. Inśpiektary nie znajšli na miescy zdareńnia śladoŭ zanosu i tarmažeńnia. Abodva aŭtamabili na zimovaj humie», — adznačyŭ Alaksandr Kaziučyc.
Dziaržaŭtainśpiekcyja ŭ čarhovy raz źviartajecca da kiroŭcaŭ: u składanych umovach nadvorja nieabchodna nie prosta vykonvać PDR, ale i być jak maha bolš uvažlivymi i aściarožnymi, pravilna vybirać chutkaść ruchu, nie rabić niepatrebnych manieŭraŭ i pavažać inšych udzielnikaŭ darožnaha ruchu.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary