Z 1 studzienia 2017 hoda ŭsie hramadzianie, jakija pastajanna pražyvajuć na terytoryi Biełarusi, vyzvalajucca ad vypłaty dziaržaŭnaj pošliny za ŭjezd (uvachod) i znachodžańnie ŭ pamiežnaj zonie. Pra heta paviedamlaje pres-słužba Dziaržpahrankamiteta.
gpk.gov.by
Ciapier pry naviedvańni režymnaj terytoryi nieabchodna ŭsiaho tolki mieć z saboj dakumient, jaki śviedčyć asobu (pašpart, paśviedčańnie biežanca abo dazvoł na žycharstva).
Jašče adna aktualnaja dla biełarusaŭ źmiena — termin dziejańnia propuskaŭ u pamiežnuju pałasu pavialičvajecca z 1 hoda da 2-ch hadoŭ. Dziaržpošlina za dadzienuju pasłuhu składzie 0,4 bazavaj vieličyni.
Płacić jaje nie pryjdziecca žycharam pamiežnaj zony, rabotnikam arhanizacyj, jakija viaduć haspadarčuju dziejnaść u pamiežnaj pałasie i šerahu inšych katehoryj hramadzian, dla čaho padrychtavany adpaviedny prajekt ukaza.
U novym hodzie źmienicca paradak naviedvańnia pamiežnaj zony i pamiežnaj pałasy dla zamiežnych hramadzian. Tak, termin dziejańnia propusku ŭ pamiežnuju zonu pavialičycca z 1 hoda da 2-ch hadoŭ, a staŭka dziaržaŭnaj pošliny za jaho vydaču składzie 0,4 bazavaj vieličyni.
Paradak atrymańnia propusku ŭ pamiežnuju pałasu budzie takim ža, jak i dla hramadzian Biełarusi. Biaspłatna trapić u pamiežnuju pałasu zmoža inšaziemiec, jaki maje propusk u pamiežnuju zonu.
***
Pamiežnaja zona — učastak miascovaści, jaki prylahaje da dziaržaŭnaj miažy ŭ siarednim na hłybiniu da 30 km.
Pamiežnaja pałasa — učastak miascovaści, jaki prylahaje da dziaržaŭnaj miažy ŭ siarednim na hłybiniu da 10 km, pryznačany dla ŭźviadzieńnia (budaŭnictva) i padtrymańnia ŭ spraŭnym stanie zbudavańniaŭ i abjektaŭ, nieabchodnych dla ažyćciaŭleńnia achovy Dziaržaŭnaj miažy
Ich miežy na terytoryi abłaściej vyznačajucca rašeńniami adpaviednych abłasnych vykanaŭčych kamitetaŭ (padrabiaźniej hł. tut).
Kamientary