Novy dyrektar biełaruskamoŭnaj himnazii №4: «Kali buduć pierakosy — vypravim»
Novy dyrektar biełaruskaj himnazii №4 h. Minska Andrej Hocman daŭ karotkaje intervju karespandentu «Narodnaj voli» Marynie Koktyš. Jak zaŭvažyła žurnalistka, na ŭsie pytańni spadar Hocman adkazvaŭ na dobraj biełaruskaj movie.
— Andrej Michajłavič, da niadaŭniaha času vy pracavali dyrektaram staličnaj škoły №38. Z zadavalnieńniem pryniali prapanovu źmianić miesca pracy?
— Naturalna, heta było z majoj zhody. Tym bolš što heta biełaruskamoŭnaja himnazija — u Minsku tolki dźvie takija bujnyja ŭstanovy adukacyi.
Darečy, paśla zakančeńnia ŭniviersiteta ja pajšoŭ pracavać u škołu, dzie taksama vykładaŭ na biełaruskaj. Ja ź vialikaj pavahaj staŭlusia da movy, da ŭsiaho nacyjanalnaha.
— Na adras minułaha kiraŭnictva byli paproki: maŭlaŭ, himnazija biełaruskamoŭnaja, a mnohija nastaŭniki nie tolki paśla ŭrokaŭ, a i padčas zaniatkaŭ pierachodziać na ruskuju. Voś vy sa svajoj sakratarkaj pa-biełarusku razmaŭlajecie? A spravavodstva ŭ himnazii na jakoj movie viadziecca?
— Dakumientacyja tut i da mianie na biełaruskaj movie viałasia. A maja sakratarka — vykładčyk biełaruskaj movy i litaratury, fiłołah. Jana drukuje zahady i inšuju łakalnuju dakumientacyju na biełaruskaj movie. Karaciej, ja nie baču tut vialikich prablem.
Što tyčycca nastaŭnikaŭ, to kali idu pa kalidory padčas urokaŭ, to čuju biełaruskuju movu, a taksama tyja zamiežnyja, jakija vykładajucca ŭ našaj himnazii ŭ ramkach adukacyjnych prahram.
Dumaju, i vy dobra viedajecie, što bolšaść ludziej u Minsku razmaŭlaje na ruskaj movie, i nie maju prava zabaranić čałavieku pa-za miežami himnazii havaryć pa-rusku. Ale, pa ščyraści, ja pakul nie baču tut prablem, prynamsi na ŭzroŭni himnazii. Kali ŭ budučyni źjaviacca niejkija pierakosy, złoŭžyvańnie ruskaj movaj — vypravim.
— Kali nie pamylajusia, vam…
— Mnie 37 hadoŭ. Žanaty, maju dačku — jana vučycca ŭ piatym kłasie, taksama ŭ himnazii.
— Dziakuj za adkazy, žadaju vam pośpiechaŭ! Nu, i kab nie było ŭ vašym žyćci takich hučnych skandałaŭ, jaki zdaryŭsia z vašym papiarednikam na hetaj pasadzie.
— Spadziajusia, u himnazii ŭsio budzie dobra. Ja prykładu dla hetaha ŭsie svaje namahańni.
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1111
Kamientary