U siaredzinie listapada mieteorny patok Leanidy sustreniecca ź Ziamloj, a na načnym niebie možna budzie nazirać štohadovy zorkapad. Pra heta paviedamlaje tut.by sa spasyłkaj na space.com.
Asobnyja mieteory atrymajecca ŭbačyć užo ŭ niadzielu, 13 listapada. Pik patoku čakajecca ŭ čaćvier, 17 listapada. Šancy ŭbačyć źnički zachavajucca da 21 listapada.
Ciapier patok nie taki mocny: na dumku ekśpierta NASA Biła Kuka, u hadzinu čakajecca prykładna 10-15 pałajučych mieteoraŭ. Ubačyć zorkapad možna budzie ź luboj kropki Ziamli, peŭnaja pieravaha budzie ŭ žycharoŭ Paŭnočnaha paŭšarja. Radyjant mieteornaha patoku znachodzicca ŭ suzorji Lva — mienavita adtul vizualna buduć źjaŭlacca źnički.
Leanidy — chvost kamiety 55P/Tempiela — Tutla, jaki viartajecca da Ziamli kožnyja 33 hady. Mienavita da Leanidaŭ adnosiŭsia samy hrandyjozny zorkapad minułaha stahodździa — u 1966 hodzie na niebie źjaŭlalisia tysiačy mieteoraŭ u chvilinu. Najbolš intensiŭnyja ŭspyški adbyvajucca, kali Ziamla prachodzić praz asabliva husty ŭčastak patoku. Adnak hetaha nie pradbačycca da 2033 hoda.
Nazirać mieteorny patok sioleta moža ŭskładnić jarkaje śviatło Miesiaca. Adnak peŭnuju kolkaść mieteoraŭ usio roŭna atrymajecca ŭbačyć niaŭzbrojenym vokam pry ŭmovie jasnaha nadvorja i ciomnaha nieba.
Ciapier čytajuć
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary