Alaksandr Łukašenka ŭpeŭnieny, što na pasadzie prezidenta ZŠA vybrany Donald Tramp budzie ŭ pieršuju čarhu adstojvać amierykanskija intaresy. I tamu pakul rana rabić vysnovy ab tym, jak jaho vybrańnie paŭpłyvaje, naprykład, na adnosiny z Rasijaj.
Ab hetym kiraŭnik biełaruskaj dziaržavy zajaviŭ siońnia ŭ čas razmovy z pracoŭnym kalektyvam AAT «Mahiloŭchimvałakno», pieradaje karespandent BIEŁTA.
«Kali chtości radujecca? Ja čuŭ u Rasii: Trampa vybrali — heta dobra, Chiłary — drenna. Užo mahu skazać, što heta (vybrańnie Trampa — red.) — nie padarunak», — zajaviŭ kiraŭnik krainy.
Łukašenka rastłumačyŭ svaju pazicyju tym, što ahulny napramak palityki ZŠA adnosna Rasii, kali b pieramahła Chiłary Klintan, byŭ by zrazumiełym. Ale da ŭłady pryjšoŭ Donald Tramp, a hałoŭny jaho łozunh i ideja zaklučajecca ŭ tym, kab zrabić Amieryku vialikaj.
«A dzie miesca Rasii?» — zadaŭ rytaryčnaje pytańnie biełaruski lidar.
«Tamu nie treba śpiašacca i zajaŭlać, što heta padarunak. Pryjšoŭ da ŭłady amierykanski hramadzianin, jaki lubić Amieryku i jaki choča, kab heta kraina była jašče macniejšaj, čym ciapier», — padkreśliŭ Alaksandr Łukašenka.
«A voś dzie budzie miesca hłabalnych dziaržaŭ i naša — pytańnie. Nam nie zhubicca b u hetym viry. I vy nie chvalujciesia, my nie zhubimsia», — zapeŭniŭ kiraŭnik krainy.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ1
Kamientary