U Rasii vyjšła «Nieśviadomaja» historyja Biełaj Rusi». Abiacajuć raźviančańnie biełaruskich hierojaŭ, jakich usłaŭlajuć «nacyjanalisty i aficyjoz»
Pradavacca ŭ Biełarusi budzie praz pravasłaŭnuju internet-kramu.
Na vychadnych u Hrodnie prajšła prezientacyja knihi «Niaśviadomaja» historyja Biełaj Rusi». Jaje pradstaŭlali viadomy historyk-zachodnierusist Leŭ Kryštapovič i były zahadčyk kafiedry ideałohii i palityčnych navuk Akademii kiravańnia pry prezidencie, aŭtar sajta regnum.ru Mikałaj Mališeŭski. Prezientacyju zładziła niejkaja hramadskaja inicyjatyva «Sajuz», jakaja nibyta źjaviłasia letam 2016 hoda.
Kniha «Nieśviadomaja» historyja Biełaj Rusi» zusim niadaŭna vyjšła ŭ rasijskim vydaviectvie «Knižny śviet» nakładam 1 tysiača asobnikaŭ. Siarod apošnich navinak vydaviectva: «Miakkaja siła» suprać atamnaj bomby», «Suśvietnaja baraćba. Anhłasaksy suprać płaniety», «Danbas. Chroniki, zapisanyja kryvioj», «Alaksandr Litvinienka i pałonij-210. Čysta anhlijskaje zabojstva», «Rod Poŭnačy. Ruskija hipierbarejcy», «Bandyty epochi Jelcyna», «Robaty-zabojcy suprać čałaviectva», «Siryjski armahiedon» i h.d.
Aŭtaram knihi vystupiŭ Usiasłaŭ Zińkievič. Chto heta taki? Dakładnaha adkazu niama. Raniej hetaje proźvišča tolki niekalki razoŭ sustrakałasia na fejkavych sajtach, što stvaryŭ rasijski šavinist biełaruskaha pachodžańnia Kirył Aviarjanaŭ-Minski. Tamu całkam realna, što pad psieŭdanimam moža chavacca sam Aviarjanaŭ.
Aŭtar «Sputnika i pahroma» byŭ pazbaŭleny biełaruskaha hramadzianstva, a KDB zabaraniŭ ujezd na terytoryju našaj krainy. Aviarjanaŭ-Minski ličyć, što ŭ Biełarusi prachodzić ledźvie nie hvałtoŭnaja biełarusizacyja, a taksama znachodzicca ŭ žorstkaj apazicyi da dziejnaj ułady.
«Asablivaja ŭvaha ŭ knizie ŭdzielenaja dziejačam, jakija ŭsłaŭlajucca nacyjanalistami i aficyjozam Biełarusi ŭ jakaści «biełaruskich hierojaŭ», — havorycca ŭ anatacyi da knihi. Na vokładcy knihi źmieščany partret vilenskaha hienierał-hubiernatara Michaiła Muraŭjova-viešalnika. Vidać, budzie pryvodzicca ŭ jakaści prykładu dla biełarusaŭ, u adroźnieńnie ad Kastusia Kalinoŭskaha.
U Biełarusi «Nieśviadomaja historyja» budzie raspaŭsiudžvacca praz pravasłaŭnuju internet-kramu «Śviatło Favora». U kramie nam paviedamili, što pakul kniha nie trapiła da ich u raspaŭsiud, ale heta adbudziecca ciaham tydnia-dvuch. Cana ŭzhadniajecca.
Rasijskaje ahienctva Regnum, anansujučy knihu, nie ŭpuściła mahčymaści pakpić z Alaksandra Łukašenki. «U 2016 hodzie ŭłady Biełarusi praciahnuli palityku «biełarusizacyi», nieadjemnymi častkami jakoj źjaŭlajecca revizija histaryjahrafii i raspaŭsiudžvańnie palityčnych mifaŭ. Alaksandr Łukašenka abiacaŭ padaryć prezidentu Rasii padručniki pa historyi Biełarusi, adnak nie viadoma, ci vykanaŭ svajo abiacańnie abo pastupiŭ tak ža, jak z abiacańniem pryznać niezaležnaść Paŭdniovaj Asiecii i Abchazii», — piša ahienctva.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary