Sotnia minčukoŭ pratestavała na 20-ja ŭhodki refierendumu-96
24 listapada ŭ Minsku adbyłasia akcyja, arhanizataram jakoj vystupiŭ były palitviazień Mikałaj Statkievič. Nahodaj dla jaje praviadzieńnia, jak skazaŭ palityk, stała «20-ja hadavina ŭstalavańnia dyktatury ŭ krainie».
«24 listapada 1996 hoda ŭ krainie adbyŭsia referendum, pa vynikach jakoha była skasavanaja zakanadaŭčaja ŭłada, a Łukašenka samaŭpraŭna dadaŭ sabie 2,5 hady da termina», — zajaviŭ napiaredadni Mikoła Statkievič.
Akcyja, pa zadumie Rady Biełaruskaha Nacyjanalnaha Kanhresu, u skład jakoj uvachodzić i Statkievič, raspačynaje kampaniju «Za novyja vybary, za novuju ŭładu!»
18:30
Akcyja skončyłasia biez zatrymańniaŭ i składańnia administracyjnych pratakołaŭ.
18:28
Pramaŭlaje Pavieł Sieviaryniec: «Režym nie zdoleje addać krainu Rasii, bo tut jość ludzi, jakija hatovyja baranić niezaležnaść».
18:25
Pa prapanovie Statkieviča abviaščajuć chvilinu maŭčańnia ŭ pamiać źnikłych Hančara i Zacharanki.
18:20
Vystupaje Luboŭ Stankievič z Babrujsku. Kaža, što ludziej durać z pryvatyzacyjaj. «Chopić maŭčać».
Biare słova Uładzimir Niaklajeŭ. Jon kaža, što ŭtrymlivać dyktaturu dapamahaje siońnia nie tolki Rasija, ale i Jeŭrasajuz. «Heta ŭsio ruchnie ŭ adzin dzień».
18:15
Milicyja zaklikaje razychodzicca.
Statkievič źviartajecca da ludziej: «Łukašenka skraŭ u nas 20 hadoŭ, ale my nie skarylisia. Biełaruś čakaje, kali źjavicca nadzieja, tady na płoščy vyjduć dziasiatki tysiač čałaviek».
Statkievič praciahvaje: «Nas čakajuć ciažkija, dramatyčnyja časy. Kali ŭ nas budzie šaniec pamianiać uładu, to my jaho nie vypuścim».
18:10
Sabrałosia kala sotni čałaviek kala ratušy. Pad ściahami ES na hanku — Statkievič, Niaklajeŭ, Sieviaryniec.
Kamientary